Erlent

Veiru­lyf styttir bata­tímann en dregur ekki úr inn­lögnum eða dauðs­föllum

Hólmfríður Gísladóttir skrifar
Miklar vonir voru bundnar við lyfið þegar það var kynnt til sögunnar.
Miklar vonir voru bundnar við lyfið þegar það var kynnt til sögunnar. Merck

Veirulyfið Molnupiravir dregur úr veirumagninu í líkamanum og styttir batatímann eftir Covid-veikindi hjá þeim sem hafa verið bólusettir. Það virðist hins vegar ekki fækka sjúkrahúsinnlögnum eða dauðsföllum, eins og áður var talið.

Þetta eru niðurstöður nýrrar rannsóknar en þátttakendur voru 25 þúsund bólusettra Covid-sjúklinga. Allir voru smitaðir af Omikron-afbrigði kórónuveirunnar og tóku Molnupiravir tvisvar á dag í fimm daga.

Þáttakendurnir áttu það sameiginlegt að vera í áhættuhóp sökum aldurs eða undirliggjandi sjúkdóms.

Notkun lyfsins styttu batatímann um fjóra daga og dró úr veirumagninu í líkamanum. Hún varð hins vegar ekki til þess að fækka innlögnum eða dauðsföllum, líkt og fyrri rannsóknir höfðu bent til en þær voru gerðar á óbólusettum einstaklingum, áður en Omikron-afbrigðið kom fram.

Sérfræðingar segja niðurstöðurnar mæla gegn almennri notkun Molnupiravir en lyfið gæti gagnast undir ákveðnum kringumstæðum, til að mynda til að draga úr álagi á heilbrigðisþjónustuna. 

Lyfið kostar líka sitt, um það bil 577 pund fyrir sjö daga skammt, og því þarf að velja þá vel sem kunna að njóta góðs af notkun þess.

Enn á eftir að koma í ljós hvort lyfið dregur úr tíðni langvarandi einkenna af völdum Covid.

Faraldur kórónuveiru (COVID-19) Bólusetningar Lyf Heilbrigðismál
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið