Innlent

Vél á leið til Ísa­fjarðar þurfti að snúa við vegna bilunar

Bjarki Sigurðsson skrifar
Ein af vélum Mýflugs frá því fyrr á árinu. Myndin tengist fréttinni ekki beint.
Ein af vélum Mýflugs frá því fyrr á árinu. Myndin tengist fréttinni ekki beint. Vísir/Vilhelm

Flugvél á vegum Mýflugs þurfti snúa við er hún var á leið til Ísafjarðar vegna tæknilegra örðugleika. Vélin lenti heilu og höldnu á Akureyrarflugvelli en hættustig var virkjað á vellinum vegna atviksins. Þrír voru um borð í vélinni. 

RÚV greinir frá þessu. Í samtali við fréttastofu segir Hólmgeir Þorsteinsson, verkefnastjóri þjónustu hjá Isavia á Akureyrarflugvelli, að vélin hafi lent heilu höldnu á flugvellinum. 

„Það kom bara útkall og við fórum í viðbragð. Viðbragðsáætlun vegna flugslysa er virkjuð á undirbúningsstigi, hættustigi eins og það er kallað,“ segir Hólmgeir.

Vélin var á vegum flugfélagsins Mýflugs og segir Leifur Hallgrímsson, framkvæmdastjóri félagsins, að vélin hafi verið á leið að sækja sjúkling á Ísafirði þegar upp komu tæknilegir örðugleikar. Hann gat ekki staðfest hvað átti sér nákvæmlega stað. 

Fréttir af flugi Ísafjarðarbær Akureyri
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið