Fótbolti

Sterling vill snúa aftur til Katar

Valur Páll Eiríksson skrifar
Sterling er sagður vilja snúa aftur til Katar.
Sterling er sagður vilja snúa aftur til Katar. Joe Prior/Visionhaus via Getty Images

Raheem Sterling leitast nú eftir að koma til móts við enska landsliðshópinn á ný eftir að hafa flogið heim til Englands vegna fjölskyldukrísu á sunnudaginn var.

Vopnaðir menn eiga að hafa brotist inn í hús Sterling í Lundúnum um helgina og sneri hann heim til Englands til að hlúa að börnum sínum.

Samkvæmt heimildum breska ríkisútvarpsins, BBC, fer tvennum sögum af því hvort innbrotsþjófarnir hafi verið vopnaðir, en líklegra sé að svo sé ekki. Enska knattspyrnusambandið hafi ekki viljað tjá sig um hvaða upplýsingar það hafi fengið sem leiddu til þess að Sterling krafðist þess að snúa heim.

Samkvæmt BBC hefur Sterling nú sett sig í samband við knattspyrnusambandið með það fyrir augum að snúa aftur til Katar. Líklega kemur í ljós hvort hann snúi aftur fyrir helgi fyrir dagslok í dag.

England mætir Frakklandi í 8-liða úrslitum HM á laugardaginn kemur.




Fleiri fréttir

Sjá meira


×