Erlent

Meirihluti Demókrata geirnegldur

Gunnar Reynir Valþórsson skrifar
Öldungadeildarþingmaðurinn Raphael Warnock varði sæti sitt í nótt.
Öldungadeildarþingmaðurinn Raphael Warnock varði sæti sitt í nótt. AP Photo/John Bazemore

Demókratar geirnegldu meirihluta sinn í öldungadeild Bandaríkjaþings í nótt þegar í ljós kom að þeir fóru með sigur af hólmi í aukakosningum sem fram fóru í Georgíu.

 Í þingkosningunum á dögunum tókst hvorugum frambjóðandanum að ná yfir helmingi atkvæða og því þurfti að kjósa aftur þar. Demókratinn Raphael Warnock bar sigur úr býtum og því er ljóst að Demókratar hafa 51 öldungadeildarþingmann en Repúblikanar 49.

Úrslitin eru vonbrigði fyrir Repúblikana líkt og fleiri úrslit í kosningunum en þeir höfðu búist við að ná völdum í báðum deildum og það nokkuð auðveldlega. 

Svo fór þó að þeir náðu yfirhöndinni í neðri deild þingsins, en þó með herkjum og öldungadeildin verður áfram í höndum Demókrata nú þegar helmingur er liðinn af kjörtímabili Joes Biden Bandaríkjaforseta.


Tengdar fréttir

Berjast um síðasta sætið í öldungadeildinni mánuði síðar

Íbúar í Georgíu-ríki Bandaríkjanna ganga til kosninga í annað sinn á rúmum mánuði á morgun til að ákveða hver hreppir sæti í öldungadeild þingsins. Prestur og fyrrverandi fótboltamaður keppast um sætið en með sigri gætu Repúblikanar jafnað þingmannafjölda Demókrata, þó ólíklegt þyki. 



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.