Innlent

Skipverjinn ófundinn: Leitað fram á nótt

Margrét Björk Jónsdóttir skrifar
Mannsins verður leitað áfram.
Mannsins verður leitað áfram. Vísir/Vilhelm

Leit að manni sem féll útbyrðis af fiskiskipi um klukkan 17 í dag hefur enn engan árangur borið. Fimmtán skip og bátar ásamt tveimur þyrlum eru við leit eins sem stendur.  Ekki hefur tekin ákvörðun um framhald leitar annað en að áfram verður leitað í kvöld og fram á nótt.

Í tilkynningu frá Landhelgisgæslunni kemur fram að laust fyrir klukkan 17 í dag hafi stjórnstöð Landhelgisgæslunnar borist neyðarkall frá fiskiskipi við Faxaflóa þar sem skipverji hafði fallið fyrir borð.

Landhelgisgæslan kallaði þegar út til nærstaddra skipa og bað þau að halda til aðstoðar. Tvær þyrlur auk varðskipsins Þórs voru sendar á vettvang til leitar auk þess sem kölluð voru út björgunarskip Slysavarnafélagsins Landsbjargar á svæðinu frá Vestmannaeyjum að Akranesi.

Fimmtán skip og bátar ásamt tveimur þyrlum eru við leit eins sem stendur.Vísir/Vilhelm

Í tilkynningunni kemur fram að aðstæður til leitar séu góðar þrátt fyrir náttmyrkur. Fimmtán skip og bátar ásamt tveimur þyrlum. Ekki hefur tekin ákvörðun um framhald leitar annað en að áfram verður leitað í kvöld og fram á nótt.


Tengdar fréttir

Maður féll útbyrðis í Faxaflóa

Björgunarsveitir og Landhelgisgæslan leita nú að manni sem féll útbyrðis af fiskiskipi rétt fyrir utan Faxaflóa í dag. 



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×