Desemberspá Siggu Kling - Steingeitin

Og þó það sé eitthvað sem þú ert að glíma við, þá er mikilvægt að „feika“ það þangað til þú ert búin að meika það“ og þetta er hárrétt aðferð.

Það eru búnir að vera frekar skringilegir tímar og í þér blunda áhyggjur af næsta skrefi. Ef þú horfir nokkur ár aftur í tímann, þá hefurðu alltaf lent á löppunum, eða klaufunum í þínu tilviki, alveg sama hvað þú hefur farið í gegnum. Þín lífsbók verður risastór og merkileg, enda sættir þú þig ekki við það næststærsta.

Núna ertu að lifa dálítið um efni fram, en peningar virka þannig að eftir því sem þú dreifir þeim meira í kringum þig og treystir því að allt fari vel, þá mun það gera það og jafnvel miklu meira það.

Sýndu öllum þitt sanna hugrekki og talaðu skýrt svo að fólk skilji þig betur. Ekki hafa áhyggjur af gömlum marblettum, því þeir eru löngu grónir. Svo gefðu þeim hugsunum ekki pláss í heilabúinu, það lætur þér líða betur.

Þú ferð miklu víðar en þú bjóst við og hittir merkilegra fólk en þér datt í hug og þú nýtir tengslanetið betur, það að vera skipulagður á að vera þitt aðalsmerki.

Þér verður meira sama um annarra manna álit og það er alveg rétt hjá þér. Því að þeirra álit kemur þér í raun og veru ekkert við og með því seturðu merki sigurvegarans á ennið á þér.

Það læðist að þér manneskja úr fortíðinni sem biður þig um að gefa sér meira pláss í þinni tilveru. En þú þarft að skoða að það sem er búið er búið, svo það verður ekki aftur snúið.

23 desember markar nýtt upphaf hjá þér, þó að allt gerist ekki bókstaflega á þeim degi. Þá er það skrifað í skýin að það tímabil gefur þér nýja byrjun. Og næstu fimmtán dagar eftir það eru undirstaðan sem þig vantar og þú vilt sjá. Ef þú ert að skyggnast eftir ástinni, þá skaltu ekki leita lengra því hún er beint fyrir framan nefið á þér.

Knús og kossar, Sigga Kling