Lífið

Desemberspá Siggu kling - Bogmaðurinn

Sigga Kling skrifar
bogmadur

Elsku Bogmaðurinn minn, þú ert búinn að vera svo lengi að bralla svo margt og að leita að lífsgátunni sem er reyndar kannski ekki svo merkileg. Allt er í raun og veru barnalegt og einfalt, svo einfaldaðu bara lífið, þá verður leiðin beinni.

Ekki standa í því að rífast við fólk sem nærist á því að ergja þig. Þú þarft ekki að svara og það er góð speki að ef þú hefur ekkert gott að segja, þá skaltu bara þegja.

Þú elskar af öllu þínu hjarta, en í því þarf líka að vera að það sé ástarinnar virði að gera það sem þú vilt. Það eru tilboð í kringum þig sem tengja þig við fortíðina, þetta gæti verið vel þess virði að skoða. Því að þú ert undir lukkustjörnu, notaðu bara hjartað sem áttavita og þá lendirðu á réttum stað.

Það sem skiptir máli núna er að vita hvert þú ætlar og með hverjum, það skiptir ekki eins miklu máli að þú vitir hver þú ert.

Þetta er tímabil gjafanna, svo vertu stórtækur og höfðingi í þér, sama hvern þú hittir. Þú ert að fara að læra eitthvað nýtt sem á eftir að efla þig og leyfa þér að finna að þú sért að faðma hamingjuna.

Það er allt í lagi að kæla sig aðeins niður og draga sig í hlé dag og dag, því þú þarft að hvíla þig og dekra þig eins og enginn væri morgundagurinn. En það er líka gott fyrir þig að taka því þannig að þetta sé síðasti dagurinn þinn, þá nýturðu hans svo sannarlega betur.

Þú ert á vissan hátt hafinn yfir fjöldann, en gerir lítið úr hæfileikum þínum. Hlutverk þitt er að koma miklu til leiðar og þetta kemur allt saman á hárréttum tíma.

Knús og kossar, Sigga Kling






Fleiri fréttir

Sjá meira


×