Innlent

Slasaðist á ökkla eftir að bíl var ekið á rafhlaupahjól

Kolbeinn Tumi Daðason skrifar
Frá vettvangi slyssins við Glæsibæ í dag.
Frá vettvangi slyssins við Glæsibæ í dag. Vísir/Dúi

Ekið var á unglingsstúlku á rafhlaupahjóli á Suðurlandsbraut við Glæsibæ rétt fyrir klukkan eitt í dag. Viðkomandi var fluttur á bráðamóttöku Landspítala.

Samkvæmt upplýsingum frá slökkviliðinu á höfuðborgarsvæðinu var ekið á unglingsstúlku á Hopp-hlaupahjóli sem eru leiguhjól sem takmarka hraða við 25 kílómetra á klukkustund. 

Einn sjúkrabíll var sendur á vettvang vegna slyssins. Af myndum að dæma voru tveir á vettvangi sem bendir til þess að óskað hafi verið eftir aðstoð annars sjúkrabíls í framhaldinu.

Samkvæmt upplýsingum frá slökkviliðinu slasaðist unglingsstúlka á ökkla.

Innan við vika er síðan karlmaður á þrítugsaldri lést í árekstri við hópferðabifreið á horni Barónsstígs og Grettisgötu. Lögreglan á höfuðborgarsvæðinu rannsakar tildrög slyssins ásamt Rannsóknarnefnd samgönguslysa.

Fréttin var uppfærð klukkan 15:48.

Rafhlaupahjól Samgönguslys Reykjavík
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið