Erlent

Fjöldi látinna orðinn 162

Bjarki Sigurðsson skrifar
Hlúa þurfti að slösuðum á bílastæði spítalans vegna rafmagnsleysis.
Hlúa þurfti að slösuðum á bílastæði spítalans vegna rafmagnsleysis. AP/Firman Taqur

Fjöldi látinna eftir jarðskjálftann í Indónesíu er nú orðinn 162. Rúmlega tvö hundruð manns eru slasaðir en þrettán þúsund manns hafa þurft að yfirgefa heimili sín. Enn er tugi manna saknað.

Skjálfti af stærðinni 5,6 varð á eyjunni Jövu í Indónesíu í morgun. Skólar, sjúkrahús og aðrar opinberar byggingar skemmdust í skjálftanum og urðu rúmlega tvö þúsund heimili fyrir einhverjum skemmdum. 

Upptök skjálftans voru um hundrað kílómetra frá höfuðborg Indónesíu, Jakarta, og fannst skjálftinn vel þar. Fólk flykktist út á götur borgarinnar beint eftir skjálftann. 

Spítalinn í bænum Cianjur, sem er sá þéttbýlisstaður sem er hvað næst staðnum þar sem upptök skjálftans voru, glímdi við rafmagnsleysi í nokkra klukkutíma í kjölfar skjálftans. Því þurftu viðbragðsaðilar að hlúa að fólki á bílastæðinu fyrir utan spítalann. 

Indónesía Náttúruhamfarir
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið