9 dagar í Idol: Pétur Jóhann fór á kostum sem óperusöngvari

Elma Rut Valtýsdóttir skrifar 16. nóvember 2022 09:01

Pétur Jóhann kom öllum á óvart á úrslitakvöldi Idol árið 2009.

Grínistinn Pétur Jóhann kom óvænt fram á úrslitakvöldi fjórðu þáttaraðar Idol árið 2009. Þar flutti hann aríuna Nessun dorma og er óhætt að segja að hann hafi lagt allt sitt í flutninginn.

„Hann hefur gert garðinn frægan fyrir mismunandi raddbeitingu. Í upphafi var hann oftast þekktur fyrir það að leika kött en síðan hefur hann náð að taka óperulag og snýta því,“ sagði Idol kynnirinn Simmi þegar hann kynnti Pétur inn á svið.

Úrslitakvöldið snerist í kringum þær Hröfnu og Önnu Hlín sem stóðu tvær eftir í keppninni. Það má þó segja að Pétur Jóhann hafi ekki gefið þeim stöllum neitt eftir með flutningi sínum.

Pétur steig á stokk, hvítklæddur og vatnsgreiddur, og flutti hina heimsfrægu aríu Nessun dorma úr óperunni Turandot eftir Puccini. Atriði Péturs var úr sýningu sem hann var með í Borgarleikhúsinu á þessum tíma, Sannleikurinn.

Það vissu líklega fáir hvaða pípur þessi maður hefur að geyma. Hann gaf sig allan í flutninginn og virtist koma áhorfendum verulega á óvart.

Klippa: Pétur Jóhann - Idol

Idol verður á Stöð 2 á föstudagskvöldum í vetur. Fleiri hundruð söngvarar spreyttu sig í áheyrnaprufunum en að lokum mun einn standa uppi sem sigurvegari. Fyrsti þáttur fer í loftið föstudagskvöldið 25. nóvember.

Idol Bíó og sjónvarp

Tengdar fréttir

10 dagar í Idol: „Ég held að þú sért poppstjarna dulbúin sem barnapía“

Síðasta Idolstjarna okkar Íslendinga var krýnd árið 2009. Það var hin 21 árs gamla Hrafna Hanna Elísa frá Djúpavogi sem bar sigur úr býtum. Væntanlegur sigurvegari nýju þáttaraðarinnar í vetur mun því taka við keflinu af Hröfnu.

15. nóvember 2022 09:01

11 dagar í Idol: Var fyrsta konan til þess að negla Pál Óskar

Það var spennuþrungið andrúmsloft í Vetrargarðinum fyrir sextán árum síðan þegar þau Ína Valgerður og Snorri stóðu aðeins tvö eftir í úrslitaþætti Idol.

14. nóvember 2022 09:17

12 dagar í Idol: Bubba var nóg boðið og stormaði út

Dómararnir voru ekki alveg sammála eftir fyrstu áheyrnarprufur hins lífsglaða Benedikts Van Hoof á Hótel Loftleiðum fyrir sautján árum síðan.

13. nóvember 2022 11:30

13 dagar í Idol: Manst þú eftir félögunum Arnari og Gunnari?

„Þið tveir ættuð eiginlega bara að flétta hárið ykkar saman og labba eins og síamstvíburar í einni og sömu lopapeysunni í leiklistarskólann.“ Þetta hafði Idol dómarinn Páll Óskar að segja eftir áheyrnarprufu félaganna Arnars og Gunnars.

12. nóvember 2022 13:01

14 dagar í Idol: Hildur Vala hafði rétt fyrir sér

„Ég ætla að vinna Idol keppnina, af því ég held ég geti það,“ sagði hin 23 ára gamla Hildur Vala Einarsdóttir þegar hún mætti í sínar fyrstu prufur á Hótel Loftleiðum í ágúst árið 2004, ásamt um 1400 öðrum keppendum.

11. nóvember 2022 13:30

15 dagar í Idol: „Ég man nákvæmlega eftir augnablikinu þegar nafn mitt var kallað“

Idolstjarnan Kalli Bjarni hefur marga fjöruna sopið síðan hann stóð á sviði Vetrargarðsins fyrir tæpum tveimur áratugum síðan. Hann segist vera í góðu jafnvægi í dag, hyggst gefa út nýja tónlist á næstunni og er spenntur að sjá nýja kynslóð spreyta sig í Idolinu á Stöð 2 nú í vetur.

10. nóvember 2022 20:01