Erlent

Minnst 60 látin eftir að göngu­brú hrundi

Vésteinn Örn Pétursson skrifar
Talið er að allt að 400 manns hafi verið á brúnni þegar hún hrundi.
Talið er að allt að 400 manns hafi verið á brúnni þegar hún hrundi. Stringer/Anadolu Agency via Getty

Minnst 60 eru látin eftir að göngubrú hrundi í Gujarat-fylki í vesturhluta Indlands. Talið er að allt að 400 manns hafi verið á brúnni þegar hún hrundi.

Breska ríkisútvarpið greinir frá því að nokkrum dögum fyrr hafi verið búið að opna fyrir umferð um brúna að nýju efttir viðgerðir. Brúin, sem lá yfir Macchu-fljót í bænum Morbi, er 230 metra löng og var byggð á 19. öldinni.

Myndbönd af vettvangi sýna mikla ringulreið eftir að brúin hrundi. Fjöldi fólks reyndi að klifra upp brak brúarinnar til að lenda ekki í ánni sem brúin lá yfir.

Yfirvöld á svæðinu segja of marga hafa verið á brúnni, og tengja mannfjöldann við Diwali-hátíðina sem staðið hefur yfir.

Narendra Modi, forsætisráðherra Indlands, er nú í heimsókn í Gujarat, heimafylki sínu. Hann hefur boðað að þau sem slösuðust þegar brúin hrundi fái bætur, sem og nánustu aðstandendur þeirra sem létust.

Indland
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið