Bein útsending: EES-samningurinn og áskoranir 21.aldar

Atli Ísleifsson skrifar 20. október 2022 15:01

Maroš Šefčovič og Þórdís Kolbrún Reykfjörð Gylfdóttir eru í hópi ræðumanna. Getty/Vísir/Vilhelm

EES-samningurinn og áskoranir 21. aldarinnar eru umfjöllunarefni á málþingi í Háskóla Íslands í dag þar sem Þórdís Kolbrún Reykfjörð Gylfdóttir utanríkisráðherra og Maroš Šefčovič, varaforseti þverstofnanlegra tengsla og framsýni hjá Evrópusambandinu, eru meðal gesta.

Utanríkisráðuneytið, Alþjóðamálastofnun Háskóla Íslands, Sendinefnd Evrópusambandsins á Íslandi og viðskiptaráð Íslands og Evrópusambandsins standa málþinginu sem fram fer í Hátíðasal Háskóla Íslands milli klukkan 15.30 og 17 í dag. Hægt verður að fylgjast með þinginu í beinni útsendingu í spilara að neðan.

Hvernig mun samningurinn um Evrópska efnahagssvæðið, sem undirritaður var fyrir 30 árum, þjóna sameiginlegum hagsmunum Íslands og Evrópusambandsins á næstu áratugum? Hvaða áhrif mun það pólitíska og efnahagslega umrót í Evrópu, sem rekja má til innrásar Rússa í Úkraínu og annarra nýrra áskorana, hafa á samstarf EFTA-ríkjanna og Evrópusambandsins? Hvaða hlutverki hefur ESS-samningurinn gegnt þegar fengist hefur verið við þessar áskoranir?

Þessum spurningum verður velt upp á málþinginu að því er fram kemur í tilkynningu.

Dagskrá

Gestir boðnir velkomnir. Jón Atli Benediktsson, rektor Háskóla Íslands
Opnunarávarp. Þórdís Kolbrún Reykfjörð Gylfdóttir, utanríkisráðherra

Lykilerindi

Maroš Šefčovič, varaforseti þverstofnanlegra tengsla og framsýni hjá Evrópusambandinu
Þorsteinn Víglundsson, forstjóri Hornsteins
Að erindum loknum verður boðið upp á pallborðsumræður með lykilfyrirlestrum ásamt þeim Baldri Þórhallssyni, prófessor í stjórnmálafræði og rannsóknastjóra Rannsóknaseturs um smáríki, og Heiðrúnu Jónsdóttur, framkvæmdastjóra Samtaka fjármálafyrirtækja.
Fundarstjóri er Ólafur Stephensen, framkvæmdastjóri Félags atvinnurekenda.

Utanríkismál Háskólar Evrópusambandið EFTA

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið

Fleiri fréttir