Innlent

Veita frest að beiðni Banka­sýslunnar

Árni Sæberg skrifar
Guðmundur Björgvin Helgason er ríkisendurskoðandi.
Guðmundur Björgvin Helgason er ríkisendurskoðandi. Vísir/Vilhelm

Ríkisendurskoðun hefur ákveðið að framlengja frest til að skila umsögnum um drög að skýrslu Ríkisendurskoðunar á sölu hlut ríkisins í Íslandsbanka.

Ríkisendurskoðun sendi fjármála- og efnahagsráðuneyti, Bankasýslu ríkisins og stjórn hennar drög að skýrslu embættisins um sölu ríkisins á hlut sínum í Íslandsbanka til umsagnar síðastliðinn fimmtudag.

Þá var veittur frestur til 19. þessa mánaðar en Ríkisendurskoðun hefur nú ákveðið að veita frest til 25. þessa mánaðar. Það var gert að beiðni Bankasýslunnar, að því er segir í tilkynningu á vef Ríkisendurskoðunar.

Margir hafa beðið skýrslunnar í ofvæni en nú er ljóst að hún frestast enn. Upphaflega stóð til að skýrslan liti dagsins ljós í lok júní. Í upphafi ágúst síðastliðins var haft eftir ríkisendurskoðanda að hún yrði tilbúin til þinglegrar meðferðar í þeim mánuði. 

Salan á Íslandsbanka Íslandsbanki Stjórnsýsla Íslenskir bankar Ríkisstjórn Katrínar Jakobsdóttur
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið