Erlent

Tólf ára stúlka fannst látin í ferðatösku

Bjarki Sigurðsson skrifar
Lögreglan í París rannsakar nú málið.
Lögreglan í París rannsakar nú málið. Getty

Tólf ára stúlka fannst látin í ferðatösku í París í gær. Krufning fer fram í dag en fjórir eru nú í haldi lögreglunnar vegna málsins.

Fréttastofa Sky greinir frá þessu. Foreldrar stúlkunnar tilkynntu um hvarf hennar í gær eftir að hún kom ekki heim úr skólanum. Þá fann lögregla vísbendingar um að henni hafi verið rænt úr kjallara heimilis fjölskyldunnar.

Fjölskyldan á heima í fjölbýlishúsi og á öryggismyndavélum sást kona ganga út með töskuna og á brott. Taskan fannst svo skammt frá húsinu og lík stúlkunnar inni í henni.

Búið var að setja límband fyrir andlit stúlkunnar og skera hana á háls. Fjórir hafa verið handteknir vegna málsins, þar á meðal maðurinn sem fann töskuna.

Frakkland
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið