Lífið

Hjónabandið á slæmum stað

Elísabet Hanna skrifar
Hjónabandið gæti verið að enda.
Hjónabandið gæti verið að enda. Getty/Dimitrios Kambouris

Hjónaband fyrirsætunnar Gisele Bündchen og ruðnings kappinn Tom Brady hefur verið mikið í umræðunni síðustu vikur. Nú hafa þau bæði ráðið skilnaðarlögfræðing samkvæmt heimildum Page Six. 

Það var í mars á þessu ári sem Tom Brady hætti við að hætta í ruðning og ákvað að vera áfram í eldlínunni í NFL deildinni og taka annað tímabil með Tampa Bay Buccaneers. Hann hefur sjö sinnum unnið Ofurskálina á glæstum ferli sínum og komist alls tíu sinnum alla leið í úrslit. 

Eftir að hann tók þá ákvörðun fóru sögusagnir af stað um að ósætti væri hjá parinu, sem gifti sig árið 2009. Þau hafi verið búin að taka ákvörðun um að hann ætlaði að hætta og einbeita sér að fjölskyldunni en svo hafi hann skipt um skoðun sem hafi ekki verið vinsæl ákvörðun hjá fjölskyldunni.

Fullt af skít í gangi

Það var í ágúst á þessu ári sem Tom  missti af ellefu dögum af þjálfun í fótboltanum en aðspurður sagði hann það vera vegna persónulegra mála. „Allir eru að fást við mismunandi aðstæður. Við erum öll með mismunandi áskoranir í lífinu. Ég er 45 ára gamall maður, það er fullt af skít í gangi,“ sagði hann einnig. 

Í kjölfarið sögðu heimildir CNN hjónin ekki lengur búa saman. Í viðtali við Elle fyrr í mánuðinum sagði Gisele einnig: „Ég myndi vilja að hann væri meira til staðar.“ „Ég hef örugglega átt þessi samtöl við hann aftur og aftur. En á endanum finnst mér að allir verði að taka ákvörðun sem virkar fyrir þá. Hann þarf líka að fylgja því sem veitir honum gleði.“

„Ég hef gert mitt, sem er að vera til staðar fyrir Tom. Ég flutti til Boston og einbeitti mér að því að skapa þægilegt og kærleiksríkt umhverfi fyrir börnin mín til að alast upp í og vera þar til að styðja hann og drauma hans,“ sagði hún og gaf til kynna að nú ætli hún að fylgja sínum draumum. Eftir að greint var frá því í gær að þau sér bæði komin með skilnaðarlögfræðing í málið virðast draumar þeirra ekki lengur passa saman. Það hefur einnig vakið furðu netverja að hvorugt þeirra hefur tjáð sig um málið.

Gisele sagðist forgangsraða börnunum

Erjurnar virðast hafa kraumað í dágóðan tíma en í viðtali við Vogue í maí á þessu ári sagði Gisele: „Ég held að sambönd gerist ekki bara, það er aldrei ævintýrið sem fólk vill trúa því að það sé,“ hún sagði að það þyrfti að vinna mikið í samböndum, sérstaklega ef börn væru í spilinu. „Áherslan hans er á ferilinn hans en mín er aðallega á börnin.“

Áður sagt hana ósátta

Í viðtali við SiriusXM þáttinn árið 2020 sagði Tom einnig að Gisele væri ekki ánægð með hjónabandið eins og það væri, þar sem hann spilaði fótbolta á meðan hún væri heima að sjá um börnin og heimilið. Hann sagði að hann þyrfti að gera breytingar því auðvitað virkaði hjónabandið svona fyrir hann svona, þar sem hann væri sáttur. Hann sagðist einnig þurfa að ná betra jafnvægi á ferilinn sinn og fjölskyldulífið.  


Tengdar fréttir

„Auðvitað hef ég mínar áhyggjur“

Ofurfyrirsætan Gisele Bündchen hefur nú í fyrsta sinn tjáð sig um þá ákvörðun eiginmanns síns, 45 ára gömlu NFL-stjörnunnar Toms Brady, að hætta við að leggja skóna á hilluna.

Gisele fær ekki ósk sína uppfyllta

Tom Brady, sigursælasti leikstjórnandi allra tíma í NFL-deildinni er ekki á sínu síðasta tímabili í boltanum. Brady ætlar að mæta aftur með New England Patriots á næstu leiktíð.

Brady fagnaði með dóttur sinni eins og síðast: Er ekki hættur

Tom Brady tilkynnti það á verðlaunapallinum í nótt að hann ætli að spila áfram með Tampa Bay Buccaneers liðinu á næstu leiktíð. Brady heldur upp á 44 ára afmælið sitt í haust og varð í nótt NFL-meistari í sjöunda skiptið.

Tíu dýrustu og flottustu heimili NFL-leikmanna

New England Patriots er NFL-meistari í ameríska fótboltanum eftir 13-3 sigur á Los Angeles Rams í Super Bowl leiknum á sunnudagskvöldið en þetta var 53. úrslitaleikurinn í röðinni.






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.