Sport

Dagskráin í dag: Meistaradeildin, íslensku deildirnar og rafíþróttir

Hjörtur Leó Guðjónsson skrifar
FH-ingar fara í heimsókn til Vestmannaeyja í dag.
FH-ingar fara í heimsókn til Vestmannaeyja í dag. VÍSIR/HULDA MARGRÉT

Sportrásir Stöðvar 2 eru stútfullar af dagskrá í dag, en alls verður boðið upp á 15 beinar útsendingar á þessum ágæta miðvikudegi.

Stöð 2 Sport

Einn leikur er á dagskrá í Olís-deild kvenna í kvöld þegar Valskonur taka á móti Fram í sannkölluðum stórleik að Hlíðarenda klukkan 19:15.

Klukkan 22:00 er svo komið að Stúkunni þar sem farið verður yfir allt það helsta úr fyrstu umferð úrslitakeppninnar í Bestu-deild karla.

Stöð 2 Sport 2

Meistaradeildin á heima á Stöð 2 Sport 2 og við hefjum leik á unglingaliðunum þegar Real Madrid tekur á móti Shakhtar Donetsk klukkan 11:50 áður en AC Milan heimsækir Chelsea klukkan 13:55.

Klukkan 18:15 er svo komið að upphitun fyrir leiki kvöldsins áður en Chelsea og AC Milan eigast við klukkan 18:50. Að leik loknum skiptum við svo aftur yfir á sérfræðingana í setti þar sem Meistaradeildarmörkin verða á dagskrá klukkan 21:00.

Stöð 2 Sport 3

Meistaradeildin tekur mikið pláss í dag og teygir sig yfir á Stöð 2 Sport 3. Klukkan 16:35 tkeur Salzburg á móti Dinamo Zagreb og klukkan 18:50 tekur Real Madrid á móti Shakhtar Donetsk.

Stöð 2 Sport 4

Íslensku boltaíþróttirnar fá sitt pláss á Stöð 2 Sport 4, en klukkan 15:20 tekur ÍBV á móti FH í neðri hluta Bestu-deildar karla.

Klukkan 18:05 er svo komið að viðureign deildarmeistara Fjölnis og Íslandsmeistara Njarðvíkur í Subway-deild kvenna áður en Keflavík tekur á móti Haukum klukkan 20:05.

Stöð 2 Sport 5

Meistaradeildin er víða eins og áður hefur komið fram, en klukkan 18:50 hefst bein útsending frá viðureign Juventus og Maccabi Haifa á Stöð 2 Sport 5.

Stöð 2 Besta-deildin

Á hliðarrás Bestu-deildarinnar ver'ur viðureign Íslandsmeistara Víkings og Vals í beinni útsendingu frá klukkan 19:05.

Stöð 2 eSport

Stelpurnar í Babe Patrol verða á sýnum stað með sinn vikulega þátt klukkan 21:00 á Stöð 2 eSport.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.