Hljóta Nóbels­verð­laun fyrir rann­sóknir sínar á sviði skammta­fræði

Sænska vísindaakademían tilkynnti um nýjan Nóbelsverðlaunahafa á fréttamannafundi í morgun. Eðlisfræðingarnir frá verðlaunin „fyrir tilraunir sínar með samtengdar ljóseindir (skammtaflækjur) sem brjóta í bága við ójöfnur Bells og leggja grunninn að skammtaupplýsingafræði.“

Bandaríkjamaðurinn Syukuro Manabe, Þjóðverjinn Klaus Hasselmann og Ítalinn Giorgio Parisi hlutu Nóbelsverðlaun í eðlisfræði á síðasta ári fyrir smíði líkana og loftslagsrannsóknir sínar.

Greint verður frá því hver hlýtur Nóbelsverðlaunin í hinum ýmsu flokkum nú í vikunni. Tilkynnt var um nýjan Nóbelsverðlaunahafa í lífefna- og læknisfræði í gær og var það sænski erfðafræðingurinn Svante Pääbo sem hlýtur verðlaunin fyrir rannsóknir sínar á erfðamengi útdauðra manntegunda og þróun mannsins.

Fréttin verður uppfærð.