Innlent

Fæðingardeildinni á Neskaupstað lokað fram á laugardag

Hólmfríður Gísladóttir skrifar
Loka þarf fæðingardeildinni þegar sérfræðingar fást ekki til starfa.
Loka þarf fæðingardeildinni þegar sérfræðingar fást ekki til starfa.

Loka þurfti fæðingardeildinni á Fjórðungssjúkrahúsinu á Neskaupstað í gærkvöldi þar sem enginn svæfingarlæknir er til staðar. Verður deildin lokuð fram til laugardags.

Frá þessu greindi Austurfrétt í gær og fékk staðfestingu hjá Guðjóni Haukssyni, forstjóra Heilbrigðisstofnunar Austurlands.

Samkvæmt Austurfrétt sagði Guðjón í sumar að endrum og sinnum kæmi upp sú staða að ekki tækist að manna fæðingardeildina. Tæknilega séð væri hún aldrei lokuð en ákveðinn fjöldi sérfræðinga þyrfti að vera til staðar öryggisins vegna og þegar þá vantaði væru konur sendar annað.

Í júlí hefðu nokkrar nokkrar konur þurft að ferðast til Akureyrar til að eignast börn sín vegna manneklu í Neskaupstað. Þá reyndist sjúkrahótelið í bænum hins vegar uppbókað. Sú staða ætti hins vegar ekki að koma upp nú þegar dregið hefur úr ferðamannastraumnum.

Heilbrigðismál Heilbrigðisstofnun Austurlands Fjarðabyggð
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið