Krefjast á­fram­haldandi gæslu­varð­halds

Fjórir menn voru handteknir í aðgerðum lögreglu og tveir úrskurðaðir í gæsluvarðhald, einn í einnar viku og annar í tveggja vikna.

Gæsluvarðhald yfir fyrri manninum rennur út á morgun en fram kemur í tilkynningu frá lögreglunni að krafist verður áframhaldandi gæsluvarðhalds yfir honum.

Upphaflega átti upplýsingafundur lögreglunnar að fara fram í dag en honum var síðan frestað til morguns. Í tilkynningunni segir að hann fari fram á morgun klukkan þrjú.

Lagt var hald á tugi skotvopna og þrívíddarprentara í aðgerðum lögreglu en mennirnir eru grunaðir um að hafa framleitt vopn í þeim. Lögreglan hefur hingað til lítið tjáð sig um málið fyrir utan blaðamannafund sem haldinn var á fimmtudaginn í síðustu viku.