Lífið

Segist hafa verið viðhald Adam Levine

Elísabet Hanna skrifar
Sumner segist hafa verið viðhald hans í ár. Hún segist hafa staðið í þeirri trú að hjónabandi hans við Victoria's Secret fyrirsætuna hafi verið lokið.
Sumner segist hafa verið viðhald hans í ár. Hún segist hafa staðið í þeirri trú að hjónabandi hans við Victoria's Secret fyrirsætuna hafi verið lokið. Getty/Paras Griffin/Instagram

Áhrifavaldurinn Sumner Stroh segist hafa verið viðhald Maroon 5 söngvarans Adam Levine. Hún segir sambandið hafa staðið yfir í ár. Óljóst er hvenær meintu sambandi lauk en hún segir þau ekki hafa átt í samskiptum í nokkra mánuði. Nýlega tilkynnti Adam að von sé á þriðja barni hans og eiginkonu sinnar Behati Prinsloo.

Eftir að tilkynnt var um komu barnsins segist Sumner hafa fengið skilaboð frá honum. Í skilaboðunum á hann að hafa spurt hana hvort henni þætti það óþægilegt ef ófædda barnið yrði nefnt Sumner verði það drengur. Í TikTok myndbandi þar sem hún birti þessar upplýsingar sýndi hún líka skilaboðin sem hún segir vera frá honum.

@sumnerstroh embarrassed I was involved w a man with this utter lack of remorse and respect. #greenscreen original sound - Sumner Stroh

Birti skilaboðin

„Allt í lagi, alvarleg spurning. Ég er að eignast annað barn og ef það er strákur langar mig virkilega að nefna hann Sumner. Er það allt í lagi þín vegna? Dauðans alvara,“ segir í skilaboðunum sem hún sýnir í myndbandinu. 

Sumner segist upphaflega ekki hafa ætlað að deila þessum upplýsingum um sambandið opinberlega. Hún skipti um skoðun þegar vinir hennar hótuðu að selja upplýsingarnar til fjölmiðla. 

Sumner segir fjölskyldu söngvarans vera fórnarlambið

Sjálf segist hún hafa verið ung og vitlaus þegar á sambandi stóð og að hann hafi nýtt sér það. Síðar birti hún þó annað myndband þar sem hún segist ekki vera að leika fórnarlamb eða að sækjast eftir vorkunn. 

Hún segist þó hafa staðið í þeirri trú að hjónabandi hans við Victoria's Secret fyrirsætunnar hafi verið lokið. Hún bætti því við að Behati, eiginkona söngvarans, og börnin þeirra séu hin raunverulegu fórnarlömb.

@sumnerstroh Replying to @alanasanders89 original sound - Sumner Stroh




Tengdar fréttir

Adam Levine og Behati Prinsloo eiga von á barni

Maroon 5 söngvarinn góðkunni Adam Levine og fyrirsætan Behati Prinsloo eiga von á sínu þriðja barni saman samkvæmt heimildum People. Parið gifti sig árið 2014 og rekur saman Calirosa vínframleiðsluna. 






Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.