Líkkista drottningarinnar flutt frá Balmoral

Viktor Örn Ásgeirsson skrifar 11. september 2022 09:28

Skoski konunglegi fáninn umlykur líkkistu drottningarinnar. Getty/Humphreys

Líkkista drottningarinnar hefur verið flutt frá Balmoral-kastala og fjöldi fólks hefur safnast saman nærri kastalanum. Til stendur að keyra með kistuna alla leið til Edinborgar.

Á kistunni má sjá hvítt beitilyng, dalíur og önnur uppáhaldsblóm drottningarinnar. Fréttamenn Breska ríkisútvarpsins segja ákveðna kyrrð yfir tregablöndnu andrúmslofti.

Í bílalestinni eru um 45 bílar og líkbílnum fylgir Anna prinsessa, dóttir Elísabetar II, og eiginmaður hennar aðmírállinn Tim Laurence. Fyrsta stopp er Aberdeen og þaðan verður haldið í gegnum Dundee og Perth. Loks liggur leiðin til Holyroodhouse-hallarinnar í Edinborg, en ferðin tekur um sex klukkutíma.

Fyrst heldur bílalestin til Aberdeen.Getty/Milligan

Bílalestin keyrir í gegnum þorpið Ballater við Balmoral-kastala.Getty/Milligan

Fréttamaður Breska ríkisútvarpsins taldi 45 bíla í bílalestinni.Getty/Humphreys

Börn fylgjast með ásamt foreldrum sínum.Getty/Milligan

Elísabet II Bretadrottning Bretland Skotland Andlát Elísabetar II Bretadrottningar

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.