Innlent

Var í golfi þegar hann komst að því að hann hefði unnið 20 milljónir

Ellen Geirsdóttir Håkansson skrifar
Vinningshafinn var með einfaldan miða.
Vinningshafinn var með einfaldan miða. Vísir

Dregið var í dag í Happdrætti DAS og var aðalvinningur 40 milljónir, sextugur maður úr Kópavogi vann 20 af þeim milljónum á einfaldan miða. Hann valdi miðanúmerið sérstaklega út frá fæðingarári föður síns, 1912.

Sigurður Ágúst Sigurðsson, forstjóri happdrættisins segir vinningshafann verið í golfi þegar honum var tilkynnt um vinninginn.

„Hann var nú ekkert ofboðslega hrifinn af því að það væri verið að trufla hann í golfinu, svo fékk hann að heyra ástæðuna fyrir símtalinu. Ég veit ekki hvernig hringurinn hefur endað hjá honum en ég á ekki von á því að hann hafi náð að einbeita sér mikið eftir það,“ segir Sigurður.

Sigurður segir vinningshafann hafa verið í fimmtán ár í áskrift hjá happdrættinu, hann hafi unnið minni vinninga á því tímabili en þetta sé svo sannarlega sá stærsti.

Þetta er í annað skiptið sem svona stór vinningur er dreginn út á happdrættisárinu, en happdrættisárið hefst í maí. Í júní fór vinningur upp á 40 milljónir út en vinningana segir Sigurður vera skattfrjálsa.

Kópavogur Fjárhættuspil
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið