Erlent

Flúðu lest í gróðureldum

Kolbeinn Tumi Daðason skrifar
Skilti brunnið vegna gróðurelda. 
Skilti brunnið vegna gróðurelda.  ASSOCIATED PRESS

Tíu slösuðust þegar þeir reyndu að flýja lest sem var keyrt inn í gróðurelda nærri Valensía á Spáni í dag. Lestin var á leið frá Valencia til Zaragosa í morgun en var stöðvuð við bæinn Bejís vegna eldanna.

Til stóð að snúa för lestarinnar við og bað lestarstjóri farþega um að halda kyrru fyrir í sætum sínum. Nokkur hræðsla greip um sig - enda sést á myndum að eldarnir voru allt um lykjandi. 

Einhverjir farþegar brutu því rúður til þess að flýja lestina. Nokkrir hlutu brunasár og samkvæmt frétt breska ríkisútvarpsins eru kona á sextugsaldri og fimmtán ára gömul stúlka illa haldnar vegna brunasára.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.