Næsta stopp: Selfoss
Næsta stopp í hringferðinni er Selfoss en prufurnar hafa einnig farið fram á Ísafirði, Egilsstöðum, og Akureyri. Eftir eru Selfoss og Reykjavík. Það eina sem áhugasamir þurfa að gera er að mæta á svæðið með lag sem þeir vilja syngja og láta ljós sitt skína.
Með í hópnum er samfélagsmiðlastjarnan Lil Curly og mun hann halda uppi stuðinu allan tímann á TikTok og Instagram-reikningum Stöðvar 2 en hér að neðan má sjá brot af ferð teymisins til þessa:
Síðasti dagurinn fyrir rafrænar prufur er 20. ágúst
Framleiðendaprufurnar eru meðal annars fyrir þá sem hafa ekki nú þegar sent inn slíka í rafrænu formi. Prufur fyrir framleiðendur ákvarða hvort að viðkomandi komist áfram á næsta stig, í sjálfar dómaraprufurnar. Síðasti dagurinn til þess að senda inn rafræna prufu er 20. ágúst.
Tvær prufur eftir
Aðeins eru prufur á Selfossi og í Reykjavík eftir en nú þegar hefur framleiðendateymið ferðast til Ísafjarðar, Akureyrar og Egilsstaða.
14. ágúst
- Prufur á Selfossi
- Hvar: Bankinn vinnustofur
- Klukkan 13:00
20. ágúst
- Prufur í Reykjavík
- Hvar: Hilton Reykjavík Nordica, gengið að aftan hjá Hilton Spa - fundaraðstaðan
- Klukkan 13:00
