Joe Biden, forseti Bandaríkjanna, virðist sérstaklega óvinsæll meðal ungra kjósenda.AP/Andrew Harnik
Meirihluti kjósenda Demókrataflokksins vill ekki að Joe Biden, forseti Bandaríkjanna, bjóði sig aftur fram til embættis í forsetakosningunum 2024. Einungis 33 prósent allra Bandaríkjamanna segjast ánægð með störf forstans.
Þetta er samkvæmt nýrri könnun sem gerð var fyrir New York Times. Niðurstöður hennar gefa til kynna að heilt yfir sé bandaríska þjóðin frekar svartsýn þessi misserin. Rúmlega þrír fjórðu af segja ríkið stefna í ranga átt og nær sú svartsýni til allra aldurshópa og er óháð hvaða stjórnmálaflokkum svarendur aðhyllast.
Einungis þrettán prósent þeirra sem svöruðu könnuninni sögðu Bandaríkin á réttri átt. Það hlutfall hefur ekki verið svo lágt frá efnahagskreppunni 2008.
Þegar elsti sitjandi forsetinn
Biden hefur ávallt sagst vilja bjóða sig aftur fram í kosningunum 2024 og sitja tvö kjörtímabil. Hann er nú 79 ára gamall og þegar orðinn elsti sitjandi forseti Bandaríkjanna. Kjósendur Demókrataflokksins sögðu flestir að aldur Bidens væri helsta ástæða þess að þau vildu nýjan forsetaframbjóðanda.
Biden virðist sérstaklega óvinsæll meðal ungra kjósenda Demókrataflokksins. Í aldurshópnum átján til þrjátíu ára sögðust 94 prósent vilja nýjan frambjóðanda úr Demókrataflokknum.
Vandi hagkerfisins helstur
Fimmtungur svarenda sagði störf og hagkerfið vera helsta vandamál Bandaríkjanna og fimmtán prósent sögðu verðbólgu og háan framfærslukostnað vera stærsta vandamálið. Einn af hverjum tíu sagði lýðræði í bandaríkjunum eiga í vandræðum og að pólitískar deilur væru stærðarinnar vandamál. Svipað stór hópur nefndi lög um vopnaeign en nokkrar mannskæðar skotárásir hafa átt sér stað í Bandaríkjunum á undanförnum vikum.
Þrátt fyrir þessar óhagstæðu tölur gáfu niðurstöður könnunarinnar þó til kynna að taki Biden aftur slaginn árið 2024 og þá aftur við Donald Trump, fyrrverandi forseta, sögðust 44 prósent kjósenda frekar muna kjósa Biden en Trump. 41 prósent sögðust frekar muna kjósa Trump.
Hæstiréttur Bandaríkjanna hefur á síðustu vikum tekið afdrifaríkar ákvarðanir sem snerta bæði umhverfisstefnu landsins og mannréttindi. Lektor við lagadeild Háskóla Íslands segist eiga von á því að rétturinn haldi áfram á braut íhaldssemi og segir gjánna milli íhaldssamra og frjálslyndra dómara réttarins aldrei hafa verið meiri.
Joe Biden, forseti Bandaríkjanna, hefur ákveðið að senda fleiri vopnakerfi og nákvæm skotfæri til Úkraínu. Bæði er um að ræða eldflaugakerfi af gerðinni HIMARS, sem gera Úkraínumönnum kleift að gera nákvæmar árásir á skotmörk í allt að hundrað kílómetra fjarlægð, og 155 mm skot í fallbyssur sem hægt er að skjóta af mun meiri nákvæmni en hefðbundnum stórskotaliðsskotum.
Nokkrum af ráðgjöfum og bandamönnum Donalds Trump hefur verið stefnt vegna sakamálarannsóknar sem stendur nú yfir í Georgíuríki vegna viðleitni Trumps við að breyta úrslitum forsetakosninganna 2020. Meðal þeirra sem búið er að stefna eru Rudy Giuliani, fyrrverandi einkalögmaður Trumps, og Lindsey Graham, öldungadeildarþingmaður.
Hæstiréttur Bandaríkjanna hefur úrskurðað að Umverfisstofnun Bandaríkjanna sé óheimilt að skylda ríki landsins til að draga úr útblæstri. Úrskurðurinn er mikið áfall fyrir Joe Biden forseta, sem hefur lagt mikla áherslu á að Bandaríkjamenn dragi verulega úr útblæstri gróðurhúsalofttegunda.
Hæstiréttur Bandaríkjanna hefur úrskurðað að Umverfisstofnun Bandaríkjanna sé óheimilt að skylda ríki landsins til að draga úr útblæstri. Úrskurðurinn er mikið áfall fyrir Joe Biden forseta, sem hefur lagt mikla áherslu á að Bandaríkjamenn dragi verulega úr útblæstri gróðurhúsalofttegunda.
Donald Trump, fyrrverandi Bandaríkjaforseti, vildi leiða stuðningsmenn sína að þinghúsinu þrátt fyrir að honum hefði verið sagt að sumir þeirra væru vopnaðir. Starfsmaður í Hvíta húsinu segir að Trump hafi viljað að málmleitarhlið yrðu fjarlægð til að hægja ekki á stuðningsmönnunum.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
