Framkvæmdastjóri OPEC látinn

Atli Ísleifsson skrifar 6. júlí 2022 07:38

Mohammad Barkindo tók við starfi framkvæmdastjóra OPEC árið 2016 og hugðist láta af störfum síðar í sumar. EPA

Mohammad Barkindo, framkvæmdastjóri Samtaka olíuframleiðsluríkja, OPEC, er látinn, 63 ára að aldri. Nígeríumaðurinn Barkindo hafði gegnt stöðunni frá árinu 2016, en hann hugðist láta af störfum síðar í þessum mánuði.

Ríkisolíufélag Nígeríu NNPC greindi frá andlátinu í morgun. Mele Kyari, forstjóri NNPC, segir að Barkindo hafi andast fáeinum klukkustundum eftir fund með forseta Nígeríu, Muhammadu Buhari, auk þess að hann hafði nýverið flutt ræðu á orkuráðstefnu í nígerísku höfuðborginni Abuja.

Barkindo hóf feril sinn innan olíugeirans snemma á níunda áratugnum, starfaði lengi innan NNPC áður en hann tók sæti í efnahagsnefnd OPEC fyrir hönd Nígeríu.

Barkindo hafði í hyggju að ganga til liðs við bandarísku hugveituna Atlantic Council's Global Energy Center síðar í sumar.

OPEC Secretary General, HE Mohammad Sanusi Barkindo, passed away yesterday in his home country Nigeria. He was the much-loved leader of the OPEC Secretariat and his passing is a profound loss to the entire OPEC Family, the oil industry and the international community. pic.twitter.com/xYDQvhG0n2
— OPEC (@OPECSecretariat) July 6, 2022

Andlát Nígería Bensín og olía

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.