Gera ráð fyrir átta til tíu þúsund mótsgestum Telma Tómasson skrifar 4. júlí 2022 11:01 Magnús Benediktsson, framkvæmdastjóri Landsmóts hestamanna 2022. Áætlanir gera ráð fyrir átta til tíu þúsund mótsgestum. Vísir/Telma Von er á þúsundum gesta á Landsmót hestamanna sem fram fer á Gaddstaðaflötum á Hellu. „Stemningin er frábær nú þegar,“ segir Magnús Benediktsson, framkvæmdastjóri LM2022 en mótið stendur yfir alla vikuna. „Landsmót eru haldin á tveggja ára fresti en mótinu var aflýst 2020 vegna Covid. Hestamenn hafa því beðið lengi, eru spenntir að koma saman, upplifa hinn glæsilega íslenska gæðing og hitta mann og annan. Raunhæfar áætlanir gera ráð fyrir átta til tíu þúsund mótsgestum og við vonum að það gangi eftir.“ Hróður íslenska hestsins nær út fyrir landsteinana og er því von á talsverðum fjölda erlendra gesta einnig. „Við vorum meira að segja að fá óskir frá útlendu hestafólki um gistingu nú á lokametrum undirbúnings. Það er mjög ólíkt þeim, yfirleitt er allt skipulagt langt fram í tímann.“ Upp undir 800 hross eru skráð til leiks í gæðingakeppni, íþróttakeppni, skeiðgreinum og kynbótasýningum. ,,Þetta er alveg risastórt og mjög fjölbreytt. Við fáum að sjá alla bestu hesta landsins í öllum keppnisgreinum. Ég get fullyrt að mótið verður veisla, við getum ekki óskað okkur neitt meira eða betra en þetta,“ segir Magnús. Orri frá Þúfu í lykilhlutverki Mótshaldarar hafa metnað fyrir því að sem flest af því sem sýnilegt er hafi tilvísun í héraðið og endurrspegla sérsmíðaðir verðlaunagripir þessa ímynd. ,,Með fullri virðingu fyrir öllum þeim fjölda úrvals hesta sem Suðurlandið hefur alið af sér þá er þeirra frægastur Orri frá Þúfu, sem hefur markað ein dýpstu spor í ræktunarstarf íslenska hestsins í nútímanum. Orri sem nú er fallinn er nokkurs konar ,,andlit“ mótsins, en hann vann B-flokk hér á þessum keppnisvelli árið 1994.“ Listamaðurinn Gunnhildur Jónsdóttir fékk það verkefni að mála mynd af Orra í fullri stærð, en ljósmynd af frumgerðinni prentuð á gler prýðir alla verðlaunagripi mótsins, sem er svo greipt í steinmola úr Hekluhrauni. ,,Þetta er fallegur og eigulegur verðlaunagripur, en málverkið sjálft verður svo til sýnis og geta mótsgestir boðið í það. Ágóðinn rennur síðan til góðgerðarmála, en þetta er samvinna listamannsins og Landsmóts,“ sagði Magnús. Loksins Landsmót Landsmót nær hápunkti um helgina, en öll helstu úrslit verða riðin á föstudag og laugardag. En það verður væntanlega líka mikil gleði, eins og alltaf á Landsmóti hestamanna. ,,Það verður heilmikið um að vera. Bylgjulestin kemur til okkar á laugardeginum, barnadagskrá er vel skipulögð og boðið upp á markaðstjöld og matargleði. Síðan verða hér heljarinnar dansleikir, alvöru sveitaböll; Páll Óskar og Helgi Björns á föstudagskvöld og Paparnir á laugardagskvöldinu. Það verður margt um manninn og mikið stuð, mótið er á allan hátt metnaðarfullt að okkur finnst. Það er loksins Landsmót,“ sagði Magnús að lokum og var rokinn, enda í mörg horn að líta. Dagskrá LM2022 má sjá hér að neðan: Beinar útsendingar og dagleg samantekt á Vísi Streymisveitan Alendis TV tryggði sér útsendingarétt á Landsmóti og sýnir bæði frá keppnisbrautinni og kynbótabrautinni. Vísir verður í samstarfi við Alendis, sýnir daglega samantekt og tengist beinni útsendingu frá völdum dagskrárliðum á kvöldin. Lesendur Vísir og áhorfendur Stöðvar 2 Vísis geta því fengið nasaþefinn af því sem Landsmót hestamanna býður upp á í ár, en útsendingu frá allri dagskrá má síðan nálgast með áskrift á alendis.is. Hér að neðan má sjá yfirlit úr forkeppni í barna- og unglingaflokkum sem fram fóru í gær. Klippa: Forkeppni í barnaflokki - Landsmót hestamanna Klippa: Forkeppni í unglingaflokki - Landsmót hestamanna Hestar Rangárþing ytra Landsmót hestamanna Bylgjulestin Mest lesið „Staða mín er svolítið erfið“ Fótbolti Yfir fimm þúsund bannaðar auglýsingar á meðan leikurinn var í loftinu Enski boltinn Missa af Messi vegna harðra aðgerða gegn innflytjendum í Chicago Fótbolti Skilur ekki hvernig var hægt að breyta víti í markmannskast Handbolti Óheppin Arna fékk dæmt á sig víti gegn Man. Utd Fótbolti Sir Jim Ratcliffe: Amorim þarf þrjú ár til að sanna sig Enski boltinn Ísak lofar að hlaupa mest: „Mjög gaman að sjá fólkið bakka okkur upp“ Fótbolti Dagskráin: HM-leikir og spennandi kvöld í Bónus-deildinni Sport Vonsvikinn Nik: Þriðja og fjórða markið gætu skipt sköpum Fótbolti Birta Georgs: Skrítinn leikur og veðrið átti stóran þátt í því Fótbolti Fleiri fréttir „Ég var mjög leið og bara ótrúlega vonsvikin“ Vítið sem dæmt var á Örnu í Meistaradeildinni: „Væri móðguð ef ég væri hún“ Sir Jim Ratcliffe: Amorim þarf þrjú ár til að sanna sig Yfir fimm þúsund bannaðar auglýsingar á meðan leikurinn var í loftinu „Staða mín er svolítið erfið“ Missa af Messi vegna harðra aðgerða gegn innflytjendum í Chicago Dagskráin: HM-leikir og spennandi kvöld í Bónus-deildinni Anton og Jónas áfram fastagestir á EM Skilur ekki hvernig var hægt að breyta víti í markmannskast Ísak lofar að hlaupa mest: „Mjög gaman að sjá fólkið bakka okkur upp“ Birta Georgs: Skrítinn leikur og veðrið átti stóran þátt í því Óheppin Arna fékk dæmt á sig víti gegn Man. Utd Uppgjörið: KR - Haukar 70-92 | Haukar sigu fram úr í seinni hálfleik og unnu sannfærandi sigur Vonsvikinn Nik: Þriðja og fjórða markið gætu skipt sköpum ÍBV og Valur ein á toppnum eftir háspennu í Breiðholti Donni öflugur og skildi heimamenn eftir í sárum Íslenska tríóið fagnaði frábærum sigri í toppslag Amanda fagnaði stigi gegn ensku meisturunum Íslendingarnir frábærir og fögnuðu í Danmörku Uppgjörið: Tindastóll - Stjarnan 95-92 | Mikil spenna í Síkinu Cecilía og Karólína komnar inn um dyrnar Salah sendi Egypta á HM Allt upp á tíu hjá Elínu Klöru Uppgjörið: Breiðablik - Spartak Subotica 4-0 | Langt komnar í nýju Evrópukeppnina Björgvin Brimi í Víking Segir að stuðningsmenn Bandaríkjanna hafi farið yfir strikið Sektaður um tólf milljónir fyrir að lesa yfir eigin leikmanni Sagði 28 ára skilið við fótboltann og sér ekki eftir neinu Matti Villa efstur í Víkingsdeildinni í Fantasy en þjálfarinn á botninum Varaforseti EHF handtekinn Sjá meira
„Landsmót eru haldin á tveggja ára fresti en mótinu var aflýst 2020 vegna Covid. Hestamenn hafa því beðið lengi, eru spenntir að koma saman, upplifa hinn glæsilega íslenska gæðing og hitta mann og annan. Raunhæfar áætlanir gera ráð fyrir átta til tíu þúsund mótsgestum og við vonum að það gangi eftir.“ Hróður íslenska hestsins nær út fyrir landsteinana og er því von á talsverðum fjölda erlendra gesta einnig. „Við vorum meira að segja að fá óskir frá útlendu hestafólki um gistingu nú á lokametrum undirbúnings. Það er mjög ólíkt þeim, yfirleitt er allt skipulagt langt fram í tímann.“ Upp undir 800 hross eru skráð til leiks í gæðingakeppni, íþróttakeppni, skeiðgreinum og kynbótasýningum. ,,Þetta er alveg risastórt og mjög fjölbreytt. Við fáum að sjá alla bestu hesta landsins í öllum keppnisgreinum. Ég get fullyrt að mótið verður veisla, við getum ekki óskað okkur neitt meira eða betra en þetta,“ segir Magnús. Orri frá Þúfu í lykilhlutverki Mótshaldarar hafa metnað fyrir því að sem flest af því sem sýnilegt er hafi tilvísun í héraðið og endurrspegla sérsmíðaðir verðlaunagripir þessa ímynd. ,,Með fullri virðingu fyrir öllum þeim fjölda úrvals hesta sem Suðurlandið hefur alið af sér þá er þeirra frægastur Orri frá Þúfu, sem hefur markað ein dýpstu spor í ræktunarstarf íslenska hestsins í nútímanum. Orri sem nú er fallinn er nokkurs konar ,,andlit“ mótsins, en hann vann B-flokk hér á þessum keppnisvelli árið 1994.“ Listamaðurinn Gunnhildur Jónsdóttir fékk það verkefni að mála mynd af Orra í fullri stærð, en ljósmynd af frumgerðinni prentuð á gler prýðir alla verðlaunagripi mótsins, sem er svo greipt í steinmola úr Hekluhrauni. ,,Þetta er fallegur og eigulegur verðlaunagripur, en málverkið sjálft verður svo til sýnis og geta mótsgestir boðið í það. Ágóðinn rennur síðan til góðgerðarmála, en þetta er samvinna listamannsins og Landsmóts,“ sagði Magnús. Loksins Landsmót Landsmót nær hápunkti um helgina, en öll helstu úrslit verða riðin á föstudag og laugardag. En það verður væntanlega líka mikil gleði, eins og alltaf á Landsmóti hestamanna. ,,Það verður heilmikið um að vera. Bylgjulestin kemur til okkar á laugardeginum, barnadagskrá er vel skipulögð og boðið upp á markaðstjöld og matargleði. Síðan verða hér heljarinnar dansleikir, alvöru sveitaböll; Páll Óskar og Helgi Björns á föstudagskvöld og Paparnir á laugardagskvöldinu. Það verður margt um manninn og mikið stuð, mótið er á allan hátt metnaðarfullt að okkur finnst. Það er loksins Landsmót,“ sagði Magnús að lokum og var rokinn, enda í mörg horn að líta. Dagskrá LM2022 má sjá hér að neðan: Beinar útsendingar og dagleg samantekt á Vísi Streymisveitan Alendis TV tryggði sér útsendingarétt á Landsmóti og sýnir bæði frá keppnisbrautinni og kynbótabrautinni. Vísir verður í samstarfi við Alendis, sýnir daglega samantekt og tengist beinni útsendingu frá völdum dagskrárliðum á kvöldin. Lesendur Vísir og áhorfendur Stöðvar 2 Vísis geta því fengið nasaþefinn af því sem Landsmót hestamanna býður upp á í ár, en útsendingu frá allri dagskrá má síðan nálgast með áskrift á alendis.is. Hér að neðan má sjá yfirlit úr forkeppni í barna- og unglingaflokkum sem fram fóru í gær. Klippa: Forkeppni í barnaflokki - Landsmót hestamanna Klippa: Forkeppni í unglingaflokki - Landsmót hestamanna
Hestar Rangárþing ytra Landsmót hestamanna Bylgjulestin Mest lesið „Staða mín er svolítið erfið“ Fótbolti Yfir fimm þúsund bannaðar auglýsingar á meðan leikurinn var í loftinu Enski boltinn Missa af Messi vegna harðra aðgerða gegn innflytjendum í Chicago Fótbolti Skilur ekki hvernig var hægt að breyta víti í markmannskast Handbolti Óheppin Arna fékk dæmt á sig víti gegn Man. Utd Fótbolti Sir Jim Ratcliffe: Amorim þarf þrjú ár til að sanna sig Enski boltinn Ísak lofar að hlaupa mest: „Mjög gaman að sjá fólkið bakka okkur upp“ Fótbolti Dagskráin: HM-leikir og spennandi kvöld í Bónus-deildinni Sport Vonsvikinn Nik: Þriðja og fjórða markið gætu skipt sköpum Fótbolti Birta Georgs: Skrítinn leikur og veðrið átti stóran þátt í því Fótbolti Fleiri fréttir „Ég var mjög leið og bara ótrúlega vonsvikin“ Vítið sem dæmt var á Örnu í Meistaradeildinni: „Væri móðguð ef ég væri hún“ Sir Jim Ratcliffe: Amorim þarf þrjú ár til að sanna sig Yfir fimm þúsund bannaðar auglýsingar á meðan leikurinn var í loftinu „Staða mín er svolítið erfið“ Missa af Messi vegna harðra aðgerða gegn innflytjendum í Chicago Dagskráin: HM-leikir og spennandi kvöld í Bónus-deildinni Anton og Jónas áfram fastagestir á EM Skilur ekki hvernig var hægt að breyta víti í markmannskast Ísak lofar að hlaupa mest: „Mjög gaman að sjá fólkið bakka okkur upp“ Birta Georgs: Skrítinn leikur og veðrið átti stóran þátt í því Óheppin Arna fékk dæmt á sig víti gegn Man. Utd Uppgjörið: KR - Haukar 70-92 | Haukar sigu fram úr í seinni hálfleik og unnu sannfærandi sigur Vonsvikinn Nik: Þriðja og fjórða markið gætu skipt sköpum ÍBV og Valur ein á toppnum eftir háspennu í Breiðholti Donni öflugur og skildi heimamenn eftir í sárum Íslenska tríóið fagnaði frábærum sigri í toppslag Amanda fagnaði stigi gegn ensku meisturunum Íslendingarnir frábærir og fögnuðu í Danmörku Uppgjörið: Tindastóll - Stjarnan 95-92 | Mikil spenna í Síkinu Cecilía og Karólína komnar inn um dyrnar Salah sendi Egypta á HM Allt upp á tíu hjá Elínu Klöru Uppgjörið: Breiðablik - Spartak Subotica 4-0 | Langt komnar í nýju Evrópukeppnina Björgvin Brimi í Víking Segir að stuðningsmenn Bandaríkjanna hafi farið yfir strikið Sektaður um tólf milljónir fyrir að lesa yfir eigin leikmanni Sagði 28 ára skilið við fótboltann og sér ekki eftir neinu Matti Villa efstur í Víkingsdeildinni í Fantasy en þjálfarinn á botninum Varaforseti EHF handtekinn Sjá meira