Íslendingar slá alls konar met í ferðalögum Óttar Kolbeinsson Proppé skrifar 28. júní 2022 21:01 Íslendingar eru að slá öll met í ferðalögum til útlanda og í fjölda gistinátta innanlands. Forstjóri Icelandair telur að tafir á flugvöllum víða um heim vegna manneklu lagist ekki fyrr en í vetur. Sumarið er komið og það er farið að hægjast á öllu samfélaginu. Fólk er komið í sumarfrí og fáir á ferli um götur bæjarins. Það virðist sem svo að stór hluti Íslendinga sé kominn til útlanda og þeir sem ekki eru farnir eru líklega á leið þangað. Þetta styðja tölur Ferðamálastofu. Síðasti maímánuður var metmánuður þegar kemur að brottförum Íslendinga frá landinu. Og það eftir tvö verstu sumur í þeim efnum í manna minnum. Og það sama virðist eiga við um júnímánuð. Það sem af er mánuði eru brottfarir Íslendinga til útlanda um 70 þúsund, og allar líkur á að þær verði fleiri en árið 2018 þegar þær fóru upp í rúm 71 þúsund. „Það er mjög mikil eftirspurn á íslenska markaðnum og bara á öllum okkar marköðum sem er mjög ánægjulegt eftir þetta langa Covid-ástand. Og mikill ferðaþorsti á meðal Íslendinga,“ segir Bogi Nils Bogason, forstjóri Icelandair. En hvert fara Íslendingar? Samkvæmt upplýsingum frá Play eru vinsælasti áfangastaður Íslendinga Tenerife. Næstvinsælast er að fljúga til Alicante á Spáni, þá til Kaupmannahafnar, Barselóna og loks Lissabon. Icelandair flýgur einnig mest með Íslendinga til Tenerife og Alicante. Nice líka mjög vinsæll áfangastaður og borgarferðir til London og Parísar eru alltaf vinsælar. Tenerife og Alicante tróna á toppnum yfir vinsælustu áfangastaði Íslendinga. Vandamálið leysist líklega ekki fyrr en í vetur Eftir lægðina í fluggeiranum í faraldrinum hefur þó myndast alþjóðlegt vandamál á flugvöllum heimsins. „Truflanir eru mjög miklar á flugvöllum úti í heimi og það hefur áhrif. En okkur hefur gengið ágætlega að komast í gegn um þetta og okkar frábæra starfsfólk er að vinna þrotlaust starf,“ segir Bogi. Bogi Nils er ekki bjartsýnn á að hið alþjóðlega vandamál vegna manneklu á flugvöllum leysist fyrr en í vetur.vísir/egill Skortur á starfsfólki eftir faraldurinn er helsta vandamálið á flugvöllunum. „Það hefur ekki gengið nógu vel alls staðar að ráða fólkið til baka og þetta fer mjög hratt af stað, mun hugsanlega jafna sig eitthvað í vetur. En ástandið mun lagast og verða eðlilegt aftur. Það liggur alveg fyrir,“ segir Bogi. Undarleg fjölgun gistinátta En það er ekki nóg með að Íslendingar séu duglegir að ferðast til útlanda. Þeir virðast einnig hafa verið að ferðast mjög mikið innanlands ef marka má tölur hagstofunnar um fjölda gistinátta sem Íslendingar hafa keypt sér hjá íslenskum hótelum. Síðustu fimm ár hafa þær verið í kring um 200 þúsund á fyrsta ársfjórðungi. En í ár verður meira en tvöföldun á þessu og gistinæturnar frá janúar og út aprílmánuð voru rúmlega 416 þúsund í ár. Samkvæmt upplýsingum frá Ferðamálastofu þótti þessi aukning svo ótrúleg að Hagstofan hefur verið að fara yfir þær á ný. Þar finnst þó engin villa í útreikningunum. Kristófer Oliversson, eigandi Center hótela og formaður Félags fyrirtækja í hótelrekstri og gistiþjónustu, segist finna vel fyrir aukningu á íslenskum gestum en þó ekki svo rosalegri eins og Hagstofan hefur reiknað út. „Við finnum fyrir aukningu og við þökkum því nú bara að Íslendingar hafi lært að meta hótelin á Íslandi núna í Covid, þeir séu farnir að þekkja þau. Hugsanlega eru einhverjir með gjafabréf, sem þeir eru að keppast við að klára eða eitthvað slíkt. En jú, jú, við finnum fyrir verulegri aukningu hjá Íslendingum,“ segir Kristófer. Kristófer segir jafn gaman að kíkja á íslenskt hótel og á hótel á Tenerife.vísir/ívar Hann er þó ekki bjartsýnn á að þessi gríðarlegi fjöldi Íslendinga á íslenskum hótelum haldist í sumar. „Væntanlega dregur nú heldur úr þessu í sumar. Er ekki góður hluti af þjóðinni núna á Tene? En við væntum þess að þetta haldi bara næsta vetur, menn séu búnir að kynnast möguleikunum og uppbyggingunni. Það er ekkert síðra að skreppa á hótel hérna í Reykjavík eða á Suðurlandinu, Norðulandinu eða Austurlandinu heldur en á Tene,“ segir Kristófer. Ferðalög Ferðamennska á Íslandi Fréttir af flugi Keflavíkurflugvöllur Mest lesið Stúlka í sjóinn við Reynisfjöru Innlent Stóra tjaldið fellt og hætt við brennuna vegna óveðurs Innlent „Það var töluvert verra veður en spáin sagði“ Innlent Að bugast á hálf nöktum ferðamönnum og beita sektum Erlent „Fordæmalaus hitabylgja“ leikur Skandínava grátt Erlent „Varla gangfær“ og „skulfu eins og hríslur“ Innlent Stúlka flutt á sjúkrahús eftir fall í sjóinn við Reynisfjöru Innlent Klíndu límmiðum á Ormsson sem versla ekki einu sinni við Rapyd Innlent „Manneskja sem er komin á þetta plan hlýtur að vera rökþrota“ Innlent Herjólfur siglir ekki meira í dag Innlent Fleiri fréttir Þjóðhátíðarbrennunni frestað til sunnudags Stúlka flutt á sjúkrahús eftir fall í sjóinn við Reynisfjöru Herjólfur siglir ekki meira í dag Stúlka í sjóinn við Reynisfjöru „Varla gangfær“ og „skulfu eins og hríslur“ Verbúðarstemning á Hjalteyri og nóg af ástarpungum fyrir alla Mannmergð vildi sjá fyrsta konunglega breska gestinn Óveður í Eyjum og verbúðarstemning á Hjalteyri Hnífurinn reyndist grilltangir „Það var töluvert verra veður en spáin sagði“ Hávaðarok á Snæfellsnesi og Faxaflóa Læti í miðbænum og í veðrinu Stóra tjaldið fellt og hætt við brennuna vegna óveðurs Þjóðhátíðargestum hleypt inn í Herjólfshöll meðan veðrið gengur yfir Klíndu límmiðum á Ormsson sem versla ekki einu sinni við Rapyd Opnun Samverks á Hellu fagnað „Manneskja sem er komin á þetta plan hlýtur að vera rökþrota“ Þjóðarpúls Gallups: Kristrún og Þorgerður gætu myndað meirihluta án Flokks fólksins „Ég upplifi þetta sem mikinn yfirgang og ofbeldi“ Íbúar við Þjórsá æfir og þrumuveður um Versló Handtekinn með reipi um hálsinn eftir ofsaakstur á flugbraut undir áhrifum fíkniefna Búast við þrumuveðri og vatnavöxtum Ný verðskrá kindakjöts vonbrigði fyrir sauðfjárbændur Sagði foreldrana líklega hafa dottið í aðdraganda andlátsins Fjölskyldufaðir stunginn meðan sonurinn horfði á Fundu engan hvítabjörn Hraunbreiðan þykknar og líkur á framhlaupum aukast „Hann skilar algjörlega auðu í náttúruverndarmálum“ Þjóðhátíð í Eyjum: Farþegafjöldi í Herjólfi komi á óvart Skýrara hvar besta veðrið verður um helgina Sjá meira
Sumarið er komið og það er farið að hægjast á öllu samfélaginu. Fólk er komið í sumarfrí og fáir á ferli um götur bæjarins. Það virðist sem svo að stór hluti Íslendinga sé kominn til útlanda og þeir sem ekki eru farnir eru líklega á leið þangað. Þetta styðja tölur Ferðamálastofu. Síðasti maímánuður var metmánuður þegar kemur að brottförum Íslendinga frá landinu. Og það eftir tvö verstu sumur í þeim efnum í manna minnum. Og það sama virðist eiga við um júnímánuð. Það sem af er mánuði eru brottfarir Íslendinga til útlanda um 70 þúsund, og allar líkur á að þær verði fleiri en árið 2018 þegar þær fóru upp í rúm 71 þúsund. „Það er mjög mikil eftirspurn á íslenska markaðnum og bara á öllum okkar marköðum sem er mjög ánægjulegt eftir þetta langa Covid-ástand. Og mikill ferðaþorsti á meðal Íslendinga,“ segir Bogi Nils Bogason, forstjóri Icelandair. En hvert fara Íslendingar? Samkvæmt upplýsingum frá Play eru vinsælasti áfangastaður Íslendinga Tenerife. Næstvinsælast er að fljúga til Alicante á Spáni, þá til Kaupmannahafnar, Barselóna og loks Lissabon. Icelandair flýgur einnig mest með Íslendinga til Tenerife og Alicante. Nice líka mjög vinsæll áfangastaður og borgarferðir til London og Parísar eru alltaf vinsælar. Tenerife og Alicante tróna á toppnum yfir vinsælustu áfangastaði Íslendinga. Vandamálið leysist líklega ekki fyrr en í vetur Eftir lægðina í fluggeiranum í faraldrinum hefur þó myndast alþjóðlegt vandamál á flugvöllum heimsins. „Truflanir eru mjög miklar á flugvöllum úti í heimi og það hefur áhrif. En okkur hefur gengið ágætlega að komast í gegn um þetta og okkar frábæra starfsfólk er að vinna þrotlaust starf,“ segir Bogi. Bogi Nils er ekki bjartsýnn á að hið alþjóðlega vandamál vegna manneklu á flugvöllum leysist fyrr en í vetur.vísir/egill Skortur á starfsfólki eftir faraldurinn er helsta vandamálið á flugvöllunum. „Það hefur ekki gengið nógu vel alls staðar að ráða fólkið til baka og þetta fer mjög hratt af stað, mun hugsanlega jafna sig eitthvað í vetur. En ástandið mun lagast og verða eðlilegt aftur. Það liggur alveg fyrir,“ segir Bogi. Undarleg fjölgun gistinátta En það er ekki nóg með að Íslendingar séu duglegir að ferðast til útlanda. Þeir virðast einnig hafa verið að ferðast mjög mikið innanlands ef marka má tölur hagstofunnar um fjölda gistinátta sem Íslendingar hafa keypt sér hjá íslenskum hótelum. Síðustu fimm ár hafa þær verið í kring um 200 þúsund á fyrsta ársfjórðungi. En í ár verður meira en tvöföldun á þessu og gistinæturnar frá janúar og út aprílmánuð voru rúmlega 416 þúsund í ár. Samkvæmt upplýsingum frá Ferðamálastofu þótti þessi aukning svo ótrúleg að Hagstofan hefur verið að fara yfir þær á ný. Þar finnst þó engin villa í útreikningunum. Kristófer Oliversson, eigandi Center hótela og formaður Félags fyrirtækja í hótelrekstri og gistiþjónustu, segist finna vel fyrir aukningu á íslenskum gestum en þó ekki svo rosalegri eins og Hagstofan hefur reiknað út. „Við finnum fyrir aukningu og við þökkum því nú bara að Íslendingar hafi lært að meta hótelin á Íslandi núna í Covid, þeir séu farnir að þekkja þau. Hugsanlega eru einhverjir með gjafabréf, sem þeir eru að keppast við að klára eða eitthvað slíkt. En jú, jú, við finnum fyrir verulegri aukningu hjá Íslendingum,“ segir Kristófer. Kristófer segir jafn gaman að kíkja á íslenskt hótel og á hótel á Tenerife.vísir/ívar Hann er þó ekki bjartsýnn á að þessi gríðarlegi fjöldi Íslendinga á íslenskum hótelum haldist í sumar. „Væntanlega dregur nú heldur úr þessu í sumar. Er ekki góður hluti af þjóðinni núna á Tene? En við væntum þess að þetta haldi bara næsta vetur, menn séu búnir að kynnast möguleikunum og uppbyggingunni. Það er ekkert síðra að skreppa á hótel hérna í Reykjavík eða á Suðurlandinu, Norðulandinu eða Austurlandinu heldur en á Tene,“ segir Kristófer.
Ferðalög Ferðamennska á Íslandi Fréttir af flugi Keflavíkurflugvöllur Mest lesið Stúlka í sjóinn við Reynisfjöru Innlent Stóra tjaldið fellt og hætt við brennuna vegna óveðurs Innlent „Það var töluvert verra veður en spáin sagði“ Innlent Að bugast á hálf nöktum ferðamönnum og beita sektum Erlent „Fordæmalaus hitabylgja“ leikur Skandínava grátt Erlent „Varla gangfær“ og „skulfu eins og hríslur“ Innlent Stúlka flutt á sjúkrahús eftir fall í sjóinn við Reynisfjöru Innlent Klíndu límmiðum á Ormsson sem versla ekki einu sinni við Rapyd Innlent „Manneskja sem er komin á þetta plan hlýtur að vera rökþrota“ Innlent Herjólfur siglir ekki meira í dag Innlent Fleiri fréttir Þjóðhátíðarbrennunni frestað til sunnudags Stúlka flutt á sjúkrahús eftir fall í sjóinn við Reynisfjöru Herjólfur siglir ekki meira í dag Stúlka í sjóinn við Reynisfjöru „Varla gangfær“ og „skulfu eins og hríslur“ Verbúðarstemning á Hjalteyri og nóg af ástarpungum fyrir alla Mannmergð vildi sjá fyrsta konunglega breska gestinn Óveður í Eyjum og verbúðarstemning á Hjalteyri Hnífurinn reyndist grilltangir „Það var töluvert verra veður en spáin sagði“ Hávaðarok á Snæfellsnesi og Faxaflóa Læti í miðbænum og í veðrinu Stóra tjaldið fellt og hætt við brennuna vegna óveðurs Þjóðhátíðargestum hleypt inn í Herjólfshöll meðan veðrið gengur yfir Klíndu límmiðum á Ormsson sem versla ekki einu sinni við Rapyd Opnun Samverks á Hellu fagnað „Manneskja sem er komin á þetta plan hlýtur að vera rökþrota“ Þjóðarpúls Gallups: Kristrún og Þorgerður gætu myndað meirihluta án Flokks fólksins „Ég upplifi þetta sem mikinn yfirgang og ofbeldi“ Íbúar við Þjórsá æfir og þrumuveður um Versló Handtekinn með reipi um hálsinn eftir ofsaakstur á flugbraut undir áhrifum fíkniefna Búast við þrumuveðri og vatnavöxtum Ný verðskrá kindakjöts vonbrigði fyrir sauðfjárbændur Sagði foreldrana líklega hafa dottið í aðdraganda andlátsins Fjölskyldufaðir stunginn meðan sonurinn horfði á Fundu engan hvítabjörn Hraunbreiðan þykknar og líkur á framhlaupum aukast „Hann skilar algjörlega auðu í náttúruverndarmálum“ Þjóðhátíð í Eyjum: Farþegafjöldi í Herjólfi komi á óvart Skýrara hvar besta veðrið verður um helgina Sjá meira