Alls konar íslenska og kvótakerfið í Sprengisandi

Eiríkur Rögnvaldsson prófessor emeritus fjallar um allskonar íslensku og hvort hún eigi alltaf við, líka í ávarpi fjallkonunnar.

Ólafur Stephensen framkvæmdastjóri Félags atvinnurekenda og Erna Bjarnadóttir hagfræðingur og varaþingmaður takast á um réttu leiðina í landbúnaðarmálum á styrjaldartímum.

Indriði H. Þorláksson fyrrverandi ríkisskattstjóri og Heiðrún Lind Marteinsdóttir framkvæmdastjóri SFS takast á um eðlilegt afgjald fyrir aðgang að sjávarauðlindinni - er það 40 milljarðar, 60 milljarðar eða margfalt minna?

Kolbrún Baldursdóttir borgarfulltrúi verður síðasti gestur minn. Eins og stundum áður ræðum við hlutskipti barna í Reykjavík sem þurfa á sérstakri þjónustu að halda.

Hægt er að hlusta á þáttinn í spilaranum hér fyrir neðan. Hann er í loftinu frá klukkan rúmlega 10:00 og fram að hádegisfréttum klukkan 12:00.