Gígaverksmiðja Tesla í Berlín framleiðir 1000 Model Y á einni viku

Framkvæmdastjóri Tesla, Elon Musk staðfesti þetta á Twitter um helgina.

Framleiðslan í Berlín hófst aðeins seinna en áætlað hafði verið vegna vandræða með leyfismál. Verksmiðjan átti að hefja starfsemi sína í mars og þúsund bíla múrinn átti að rjúfa í apríl. Nú hefur framleiðslugetan þó loksins náð þeim hæðum. Sögurnar herma að sprautuverkstæðið hafi verið helsti flöskuhálsinn.

Verksmiðjan í Berlín á að geta skilað um 10.000 bílum á viku þegar fullri framleiðslugetu verður náð, eða um 500.000 bílum á ári. Fyrsta árið er þó reiknað með um 150.000 bílum á ári.

Meðfylgjandi er myndband sem er tekið yfir verksmiðjuna í Berlín.