Lífið

Fyrr­verandi braust inn í brúð­kaup Brit­n­ey

Árni Sæberg skrifar
Britney Spears og unnusti hennar Sam Asghari stefna á að gifta sig í kvöld ef ekkert fleira óvænt kemur upp á.
Britney Spears og unnusti hennar Sam Asghari stefna á að gifta sig í kvöld ef ekkert fleira óvænt kemur upp á. Kevin Winter/Getty Images

Lögregla var kölluð að heimili poppstjörnunnar Britney Spears eftir að Jason Alexander, fyrrverandi eiginmaður hennar til tæplega sextíu klukkutíma, braust inn í brúðkaup hennar og unnustans Sams Asghari.

Fyrir rétt rúmlega klukkustund braust Jason Alexander inn í brúðkaup fyrrverandi eiginkonu sinnar. Hann streymdi innbrotinu á Instagram en sjá má upptöku af streyminu á vef hins virta dægurmálamiðils TMZ, sem greindi fyrst frá.

Í myndbandinu sést hvernig Alexander tekst að komast inn á heimili Britney þar sem vopnaðir öryggisverðir tjáðu honum að hann þyrfti að yfirgefa svæðið.

Að lokum var lögregla kölluð til og samkvæmt heimildum TMZ var hún enn að störfum á svæðinu þegar frétt miðilsins var birt fyrir tæplega klukkustund.

Britney Spears og Jason Alexander giftu sig árið 2004 í Las Vegas en ákvæðu að láta gott heita af hjónabandinu eftir aðeins 55 klukkustundir.






Fleiri fréttir

Sjá meira


×