Erlent

Minnst 34 látin eftir sprengingu á gáma­­svæði í Bangla­dess

Ólafur Björn Sverrisson skrifar
Hluti gámasvæðisins logaði enn undir morgun.
Hluti gámasvæðisins logaði enn undir morgun. getty

Minnst 34 eru látin og hundruð til viðbótar eru alvarlega særð eftir mikla sprengingu og eld sem kviknaði á gámasvæði nálægt borginni Chittagong í Bangladess.

Slökkvilið glímdi lengi við eldinn sem kviknaði í kjölfar sprengingar nokkurra gáma á svæðinu. Samkvæmt frétt BBC er ekki vitað nákvæmlega hver upptök eldsins voru en talið er að efnablöndur hafi verið geymdar í gámunum.

Spítalar á svæðinu eru yfirfullir og margir þeirra slösuðu eru sögð í mjög alvarlegu ásigkomulagi. Tala látinna gæti því hæglega hækkað.

Slökkvilið var enn að glíma við eldinn undir morgun, þar sem áframhaldandi sprengingar á svæðinu bættu gráu ofan á svart, að sögn slökkviliðs á svæðinu.

Bangladess
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið