Lífið

Stjörnulífið: Kosningar, Eurovision og tónleikahald

Elísabet Hanna skrifar
Það var mikið um að vera á samfélagsmiðlum um helgina.
Það var mikið um að vera á samfélagsmiðlum um helgina. Samsett/Instagram

Það var nóg um að vera þessa helgina þar sem sveitarstjórnarkosningar og Eurovision börðust um athygli landsmanna. Það var samt sem áður mikið um annarskonar skemmtanahald í gangi eins og tónleika, leikhússýningar og útlandaferðir.

Systurnar og bróðir þeirra þakka fyrir sig í Eurovision og segja að við höfum öll unnið þegar Úkraína vann en Ísland lenti í tuttugasta og þriðja sæti í keppninni. Sem framlag okkar Íslendinga hafa þau verið dugleg að bera fallegan boðskap um heiminn.

Dóra Björt Guðjónsdóttir, oddviti Pírata í Reykjavík, tók fyrsta göngutúrinn með syni sínum beint á kjörstað um helgina.

Birgitta Líf og kærastinn hennar Enok njóta lífsins á Tenerife þar sem þau eru að njóta lífsins í sólinni. 

Áhrifavaldurinn Sunneva Einars klæddist bláu um helgina. Kærasti hennar er Benedikt Bjarnason, sonur Bjarna Bendiktssonar formanns Sjálfstæðisflokksins. Blár er einkennislitur flokksins sem stóð í ströngu í kosningum víða um land um helgina.

Felix Bergsson, fararstjóri íslenska teymisins í Tórínó, gengur sáttur frá borði eftir Eurovision ævintýrið þetta árið. Hann segist vera stoltur og þakklátur að vera partur af þessu.

Fjölmiðlakonurnar Dóra Júlía Agnarsdóttir og Sylvía Rut Sigfúsdóttir voru fulltrúar Vísis á keppninni í Tórínó og er hægt að nálgast umfjöllun þeirra og alla þættina af Júrógarðinum á Vísi. 

Svanhildur Heiða flugfreyja skellti sér til Barcelona og beint upp á þak í kokteil.

Söngvarinn Friðrik Ómar fékk innblástur frá Eurovision og skellti sér beint í upptökuverið þar sem hann er að setja saman eitthvað nýtt. 

Tónlistarkonan Bríet er orðin spennt fyrir tónleikunum sínum sem verða í Hörpu í vikunni. Hún boðar leynigesti á svæðinu. Þessa helgina tróð hún upp í Laugardalshöll á viðburðinum Afmæli aldarinnar. 

Birgitta Haukdal kom einnig fram á Afmæli aldarinnar og tóku þær Bríet sig vel út saman. Afmælið var haldið í tilefni þess að útvarpsþátturinn FM95BLÖ hefur verið í loftinu í tíu ár.

Söngdívan Hera Björk fór að kjósa og var sonur hennar að kjósa í fyrsta skipti sem er stór stund í lífi fólks.

Útvarpsmaðurinn Auðunn Blöndal var alsæll með „besta kvöldið á ferlinum“ þar sem hann fagnaði tíu ára afmæli FM95BLÖ.

Frumkvöðullinn og áhrifavaldurinn Tanja Ýr elskar að setja saman markaðsefni fyrir fyrirtækin sín. 

Tískugúrúrinn Ída Pálsdóttir er alsæl í nýju borginni sinni Kyoto þangað sem hún flutti með eiginmanni sínum Sigmundi Páli Freysteinssyni fyrr á árinu.

Guðrún Sørtveit förðunarfræðingur skellti sér í brúðkaup með ástinni sinni.

Leikarinn og grínistinn Villi Neto lét Eurovision ekki framhjá sér fara og gerði smá glens í kringum það hvernig stigakynnarnir birtast á skjánum og nelgdi það.

Áhrifavaldurinn Elísabet Gunnars rifjaði upp þegar hún fann manninn sinn Gunnar Stein Jónsson á HönnunarMars.

Söngkonan Svala Björgvins rifjaði upp þegar hún keppti í Eurovision fyrir hönd Íslands í Kyiv.

Það gerði söngkonan Selma Björnsdóttir einnig en hún hefur tvisvar sinnum farið út fyrir hönd Íslands og lenti eftirminnilega í öðru sæti í keppninni árið 1999.

Bubbi Morthens telur niður í hundruðustu sýninguna af Níu Líf.

Hildur Sverrisdóttir þingmaður Sjálfstæðisflokksins, Nanna Kristín Tryggvadóttir rekstrarfræðingur og Áslaug Arna Sigurbjörnsdóttir ráðherra voru klæddar í fánalitina á kosningadaginn.

Milla Magnúsdóttir, aðstoðarmaður heilbrigðisráðherra, smellti einum á eiginmann sinn Einar Þorsteinsson þar sem þau fögnuðu gengi Framsóknarflokksins um helgina. Einar var oddviti Framsóknar í kosningunum um helgina.

Tónlistarmaðurinn Aron Can er alltaf á rúntinum.

Gummi Kíró tískumógúll skein skærst eins og sólin á laugardaginn.

Stjórnmálakonan Hildur Björnsdóttir og fjölskylda nýtti rétt sinn til þess að hafa áhrif um helgina.

Dansararnir Tara Sif Birgisdóttir og Sandra Björg Helgadóttir nutu lífsins í botn í Las Vegas.

Áhrifavaldurinn Fanney Ingvarsdóttir skaust til Köben í fermingarveislu.

Áhrifavaldurinn og förðunarfræðingurinn Agnes Björgvinsdóttir fór af stað með sitt eigið fyrirtæki í vikunni og var alsæl og þakklát fyrir viðtökurnar en allt seldist upp.

Íslenski hópurinn í Tórínó var glæsilegur þetta árið.

Leikkonan Íris Tanja var einnig stödd á Ítalíu þar sem kærastan hennar Elín Ey var að keppa í Eurovision.

Reykjavíkurdætur voru með tónleika í Iðnó á föstudaginn og var kynslóð komandi Reykjavíkurdætra einnig mætt á svæðið. 

Trendnet bloggarinn Pattra Sriyanonge og Theadór Elmar Bjarnason gáfu helginni #12stig.

Erna Kristín Stefánsdóttir, betur þekkt sem „ernuland“ birti fallega mynd af líkamanum sínum þar sem hún heldur einnig á tvíburadrengjunum sínum sem komu nýlega í heiminn. 

Hún lofaði sjálfri sér því snemma á meðgöngunni að fagna líkamanum eftir meðgönguna og breytingunum sem henni myndu fylgja og það gerir hún svo sannarlega með þessari mynd, rétt eins og allir ættu að fagna sínum eigin líkama.  

Förðunarfræðingurinn Kolbrún Anna Vignisdóttir skellti í skemmtilega förðun fyrir Eurovision.


Tengdar fréttir

Stjörnulífið: Ítalía, barneignir og árshátíð í höll

Það birtir svo sannarlega yfir skemmtanalífi landsins með hækkandi sól svo mikið er um að vera hjá listamönnum landsins. Systurnar eru mættar til Tórínó þar sem þær munu keppa í Eurovision og margir virðast vera að skella sér til útlanda. 




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.