Tekur við starfi forstöðumanns Rannsóknamiðstöðvar HA

Atli Ísleifsson skrifar 12. maí 2022 14:39

Arnar Þór Jóhannesson hefur verið ráðinn forstöðumaður Rannsóknarmiðstöðvar Háskólans á Akureyri (RHA).

Í tilkynningu frá skólanum kemur fram að Arnar sé með meistarapróf í stjórnmálafræði frá Stokkhólmsháskóla og diplómu í opinberri stjórnsýslu frá Háskóla Íslands. Arnar hefur störf í ágúst.

„Undanfarin sex ár hefur Arnar starfað sem sérfræðingur hjá RHA þar sem hann hefur unnið að fjölbreyttum rannsóknum ásamt kennslu í stjórnmálafræði. Síðastliðin tvö ár hefur Arnar jafnframt verið starfsmaður jafnréttisráðs HA í hlutastarfi.

Arnar tekur við af Baldvini Valdemarssyni sem tók við stöðunni í eitt ár af Guðrúnu Rósu Þórsteinsdóttur sem hafði þá verið forstöðumaður í 13 ár,“ segir í tilkynningunni.

RHA - Rannsóknamiðstöð Háskólans á Akureyri er sjálfstæð eining innan Háskólans á Akureyri og hefur verið starfandi frá árinu 1992. Hlutverk RHA hefur frá upphafi verið að:

Efla rannsóknir við HA
Gefa út og kynna niðurstöður rannsókna við HA
Styrkja tengsl HA við atvinnulífið
Hafa samstarf við innlenda og erlenda rannsóknaaðila
Veita upplýsingar og ráðgjöf
Standa fyrir málstofum, fyrirlestrum og ráðstefnum
Stunda þjónusturannsóknir

Vistaskipti Skóla - og menntamál Háskólar Akureyri

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.