Dagskráin í dag: Martin í eldlínunni, Besta karla og kvenna, barist á toppi og botni á Ítalíu, Olís karla, NBA, rafíþróttir og golf

Stöð 2 Sport

Afturelding og Þór/KA leiða saman hesta sína í Bestu-deild kvenna en útsending frá þeim leik hefst klukkan 13.50. 

Seinni bylgjan hefur svo upphitun sína fyrir leik Vals og Selfoss klukkan 19.00 en leikurinn hefst klukkan 19.30. Seinni bylgjan gerir svo leikinn upp klukkan 21.00. 

Stöð 2 Sport 2

Dagurinn byrjar snemma en klukkan 10.20 er leikur Spezia og Atalanta í Serie A á dagskrá.

Arnór Sigurðsson fær svo vonandi tækifæri þegar Venezia fær Bologna í heimsókn klukkan 12.50. 

Salernitana og Cagliari mætst svo í gríðarlega mikilvægum fallbaráttuslag klukkan 15.50. 

Það verður svo bein útsending frá tveimur leikjum í undanúrslitum NBA-deildarinnar í kvöld. Dallas Mavericks og Phoenix Suns ríða á vaðið klukkan 19.30 og Philadelphia 76 ers og Miami Heat etja kappi á miðnætti. 

Stöð 2 Sport 3

Martin Hermannsson verður í eldlínunni með Valencia klukkan 10.50 en liðið mætir þá Gran Canaria í ACB-deildinni. 

AC Milan freistar þess svo að ná í mikilvæg stig í baráttunni um ítalska meistaratitilinn þegar liðið sækir Hellas Verona heim klukkan 18.35. 

Stöð 2 Sport 4

Klukkan 11.00 hefst útsending frá Madríd Ladies Open-mótið í golfi en það er hluti af LET-mótaröðinni.

Leiknir og Vikingur eigast síðan við í Bestu-deild karla í fótbolta og hefst útsending frá þeim leik klukan 19.00. 

Stúkan fer svo rækilega yfir þann leik sem og alla leiki umferðarinnar klukkan 21.15. 

Stöð 2 Golf

Klukkan 12.00 er Breska meistaramótið í golfi á dagskrá. Það er hluti af DP heimsmótaröðinni. Klukkan 17.00 er Wells Fargo Championship-mótið á dagskrá. Það er hluti af PGA-mótaröðinni.

Stöð 2 E-Sport

Rocket Mob hefst klukkan 17.00. Sandkassinn hefst svo klukkan 20.00.