Þeir Auddi og Steindi lofa mikilli skemmtun og „sturluðum vinningum“ eins og þeir orða það sjálfir á Instagram. Hver áskrifandi hlaðvarpsins Blökastsins fær bingóspjöld eins og útskýrt er í leiðbeiningunum hér neðar í fréttinni.  Sérstakir gestir BLÖ-drengjanna verða Sverrir Bergmann, Stefanía Svavars og Halldór Gunnar. 

Viðburðurinn er liðinn. Hægt er að horfa á upptöku af páskabingóinu í spilaranum.

Playstation tölva leynist á meðal vinninga

Fjöldi veglegra vinninga eru í boði fyrir þá sem eru svo heppnir að fá bingó. Þá helstu má sjá hér fyrir neðan.

• Playstation 5 tölva
• 100 þúsund krónur hjá Icelandair
• Frítt í lúxus salinn í Sambíóunum í heilt ár
• Rúm frá Dorma
• Páskaegg fyrir alla sem fá BINGÓ
• Hátalarar frá Origo
• Miðar á FM95BLÖ tónleikana

Svona virkar þetta

Áskrifendur Blökastsins fá aðgang að hlekk með bingóinu og getur hver fjölskyldumeðlimur sótt sér þrjú spjöld. Þeir sem vilja taka þátt fara á hlekkinn, skrifa fullt nafn og slá inn símanúmer. Síðan skrá þeir sig inn með tölunum sem sendar eru með smáskilaboðum í það símanúmer. Þá eru spjöldin orðin virk.

Athugið að spjöldum er úthlutað á símanúmer, hægt er að skrá sama símanúmer í fleiri en eitt tæki en þá koma sömu spjöld. Tækin muna eftir innskráningunni þannig að hægt er að fara af síðunni og koma aftur. Hægt er að sækja spjöld með öllum símanúmerum.

Hægt er að gerast áskrifandi á vef Tals hér á Vísi.

Auglýsingu fyrir páskabingóið má sjá í spilaranum hér fyrir neðan. Líkt og áður sagði verður sýnt frá bingóinu í opinni dagskrá hér á Vísi og á sjónvarpsstöðinni okkar Stöð 2 Vísi. Megi heppnin vera með ykkur.