Innlent

42 sjúk­lingar nú á Land­spítala með Co­vid-19

Atli Ísleifsson skrifar
Meðalaldur innlagðra á Landspítala með Covid-19 er 64 ár.
Meðalaldur innlagðra á Landspítala með Covid-19 er 64 ár. Vísir/Vilhelm

42 sjúklingar liggja nú á Landspítala með Covid-19. Átta eru á gjörgæslu, fjórir þeirra í öndunarvél. Meðalaldur innlagðra er 64 ár.

Þetta kemur fram á vef Landspítala. Á sama tíma í gær var staðan sú að 43 sjúklingar voru inniliggjandi með Covid-19. Sex þeirra voru á gjörgæslu og fjórir í öndunarvél.

Af þeim átta sem eru nú á gjörgæslu eru fimm óbólusettir og þrír bólusettir.

8.076 sjúklingar eru nú í Covid-göngudeild spítalans, þar af 2.621 barn. í gær voru 8.284 sjúklingur á Covid-göngudeild spítalans, og þar af 2.588 börn.

Frá upphafi fjórðu bylgju, 30. júní 2021, hafa verið 327 innlagnir vegna COVID-19 á Landspítala.

140 starfsmenn Landspítala eru nú í einangrun samanborið við 133 í gær.

Faraldur kórónuveiru (COVID-19) Landspítalinn
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið