Innlent

„Stíga inn í nú­tímann“ og streyma helgi­haldi

Viktor Örn Ásgeirsson og Óttar Kolbeinsson Proppé skrifa
Sigurður Árni Þórðarson prestur í Hallgrímskirkju.
Sigurður Árni Þórðarson prestur í Hallgrímskirkju. Vísir/Stöð 2

Helgihald skipar eðli málsins samkvæmt stóran sess í hátíðarhöldum almennings yfir jólin. Tvísýnt hefur verið um fjölmenna viðburði vegna kórónuveirufaraldursins og trúarathafnir eru þar engin undantekning. Messum í dag, aðfangadag, verður streymt en einnig verður unnt taka á móti kirkjugestum með notkun hraðprófa.

Sigurður Árni Þórðarson, prestur í Hallgrímskirkju, segir að jólamessur verði á sínum stað í dag, klukkan sex og á miðnætti, en með örlítið breyttu sniði en áður vegna samkomutakmarkana.

„Við erum vön hér að geta verið þúsund manns og sungið saman, sem er um það bil það himneskasta sem til er. En núna í þessum aðstæðum þá eru takmarkanir og þá er þetta bara einfaldlega eins og þú segir, að stíga inn í nútímann, og við streymum. Við streymum athöfnunum [í dag] og jólamessunni líka klukkan tvö á jóladag,“ segir Sigurður.

Þið styðjist eitthvað við hraðpróf, er það ekki?

„Jú, fólk þarf að vera búið að fara í hraðpróf. Fólk var í dag og ég var sjálfur í dag að fara í hraðpróf til þess að vera nú örugglega ekki smitaður. Við biðjum fólk um að koma í kirkjuna og við getum tekið á móti fjögur hundruð í Hallgrímskirkju [í dag] og á jóladag,“ segir Sigurður Árni Þórðarson, prestur í Hallgrímskirkju.

Þjóðkirkjan Trúmál Samkomubann á Íslandi Jól Faraldur kórónuveiru (COVID-19)
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið