Ár frá hamförunum á Seyðisfirði: „Þetta var erfiður dagur í dag“ Óttar Kolbeinsson Proppé skrifar 18. desember 2021 21:16 Falleg minningarathöfn fór fram á Seyðisfirði í dag þar sem kveikt var á kertum í kring um grenitré sem stóð eitt af sér skriðuna. Ómar Bogason Í dag er ár liðið frá því að aurskriðurnar féllu á Seyðisfirði, sem rifu með tíu hús og skemmdu þrjú til viðbótar. Seyðfirðingar minntust atburðarins með fallegri athöfn í dag þar sem listaverk var afhjúpað sem sýnir húsin sem fóru með skriðunum máluð á litlar upplýstar glerkrukkur. Athöfnin fór fram við grenitré sem stóð eitt af sér skriðurnar. Kveikt var á jólaljósum á trénu og komu íbúar í bænum kertaljósum fyrir í hring við rætur þess. Þar var einnig kveikt á ljósi í glerkrukkum sem búið er að mála húsin á sem fórust í skriðunum. Listaverkið gerði Janet Nicole Reynisdóttir. Davíð Kristinsson, varaformaður björgunarsveitarinnar Ísólfs á Seyðisfirði, var í framlínunni eftir hörmungarnar í fyrra. Hann segir að samheldni hafi einkennt andrúmsloftið í bænum í dag en þar hafi auðvitað ríkt nokkur sorg líka. „Það sem hefur einkennt þetta allt hjá okkur er samheldnin og orkan.“ Davíð Kristinsson björgunarsveitarmaður á Seyðisfirði.Vísir/Egill „Þetta var erfiður dagur,“ segir Davíð einfaldlega. „Maður finnur það að þetta situr í manni og snertir mann sérstaklega í dag en það er líka gott til að vinna úr þessu og geta haldið áfram. Það er áherslan hjá öllum núna að horfa fram á við. Nú er að spyrna við og halda áfram.“ Janet Reynisdóttir listakona gerði listaverkið.Ómar Bogason Ómar Bogason, ljósmyndari á Seyðisfirði, myndaði athöfnina í dag. Hann sendi okkur myndirnar sem fylgja fréttinni, meðal annars þessa hér að neðan sem er af barnabörnum hans, Margréti og Sigrúnu, sem misstu heimili sitt í hörmungunum. Ómar Bogason Hjartað fylltist af þakklæti Ómar minntist atburðanna á Facebook í dag þar sem hann minntist þess hvernig það var að horfa á skriðuna falla niður fjallshlíðina. „Að heyra þungan dynk og malarhljóð hækka og hækka og horfa síðan á skriðuna beljast niður hlíðina og Búðarárfossinn, aurinn, bleytuna og grjótið þeytast niður fossinn og halda síðan áfram eins og risastór óstöðvandi slanga sem eirði engu,“ skrifar Ómar. Erfiður dagur fyrir suma en samheldni og hlýja eru efst í huga Seyðfirðinga þegar ár er liðið frá náttúruhamförunum og jólin nálgast.Ómar Bogason „Erfitt er að lýsa hávaðanum sem skriðunum fylgdi en honum mun ég eflaust aldrei gleyma. Fyrst kom æpandi hávaðinn frá skriðusvæðinu en síðan kom ærandi bergmálið í bakið og þá hugsaði ég með mér að fjallið allt væri að koma niður.“ Nú ári síðar er þakklæti honum efst í huga, sérstaklega yfir því að ekkert manntjón hafi orðið. „Þakklæti yfir því að öll fáum við að njóta saman hátíðar ljóss og friðar í heimabænum okkar . Þakklæti yfir því að hafa fengið að njóta þeirrar góðu tilfinningar sem fylgir því að eiga vin í raun í gegnum alla þá sem stutt hafa okkur Seyðfirðinga, það verður aldrei full þakkað!“ Fyrstu skriðurnar skemmdu lítið Rigningarnar sem gengu yfir Austurland fyrir ári síðan voru einstakar og ótrúlegt að hugsa aftur til þeirra að sögn Davíðs. Fyrstu skriðurnar vegna rigninganna féllu þann 15. desember en þær voru í minni kantinum, miðað við það sem átti eftir að koma. Þá urðu óverulegar skemmdir á húsunum sem urðu fyrir þeim en almannavarnir fóru í að rýma hluta af bænum. Þremur dögum síðar hafði verið lítið lát á rigningunum og aðfaranótt föstudagsins 18. desember féllu tvær aurskriður úr fjallinu og tók önnur þeirra með sér hús. Síðar sama dag féll síðan stærsta skriðan klukkan þrjú þegar fréttamaður okkar Sunna Karen Sigurþórsdóttir var í beinni útsendingu í þrjúfréttum Bylgjunnar. Greinilega mátti heyra í drununum frá skriðunni í útsendingunni, sem má hlusta á í spilaranum hér að neðan. Fór þá af stað vakt á Vísi þar sem fylgst var með öllu því sem gerðist á Seyðisfirði þennan dag. Kraftaverk að enginn hafi látist Aurskriðan féll á svæði sem hafði ekki verið rýmt að fullu og því var fólk inni í sumum húsanna sem hún reif með sér. Það má eiginlega teljast kraftaverk að enginn hafi látið lífið í henni. Hér má sjá myndband af skriðunni: Nú ári síðar er uppbygging efst í huga Seyðfirðinga, sem margir eru enn að vinna úr atburðunum. Minningarathöfnin í dag hefur eflaust hjálpað mörgum við það. Hér fyrir neðan eru fleiri myndir frá Ómari Bogasyni af athöfninni: Ómar Bogason Ómar Bogason Ómar Bogason Ómar Bogason Ómar Bogason Aurskriður á Seyðisfirði Múlaþing Veður Náttúruhamfarir Almannavarnir Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Bein útsending: Halla Hrund, Katrín og Baldur mætast í Pallborðinu Innlent Ákærð fyrir að kæfa son sinn með kodda Innlent Svandís boðar til blaðamannafundar Innlent „Mun ekki halla mér aftur og leyfa deyjandi sjónvarpsstöð að ráðast á mig“ Erlent Spellvirkinn lætur til skarar skríða á ný Innlent Heyrist meira af kjaftæði um lyf en vísindalegum staðreyndum Innlent Katrín efst en Jón hrynur í nýrri könnun Innlent Halla Hrund mælist með mest fylgi í nýrri könnun Maskínu Innlent „Fann það þegar ég vaknaði í morgun að þetta var lúmskt áfall“ Innlent Baldur segir niðurstöður nýjustu kannana vonbrigði Innlent Fleiri fréttir Kolbeinn hafi strokið kynfæri stúlkunnar ítrekað Segja lýðræðis- og mannréttindabakslag staðreynd Ný sendiskrifstofa opnuð í Síerra Leóne Baldur segir niðurstöður nýjustu kannana vonbrigði Halla Hrund mælist með mest fylgi í nýrri könnun Maskínu Tilvísunum vegna skekkju á höfuðkúpu ungbarna fjölgað mikið Fréttaskýring Maríu Sigrúnar kemur út á mánudag Einar segir forsetaembættið um ekki neitt Svona gæti bensínstöðvarreiturinn við Ægisíðu litið út Ákærð fyrir að kæfa son sinn með kodda Börn lögð inn með kíghósta „Við reyndum eins og við gátum“ Framkvæmdanefnd fyrir Grindavík sett á laggirnar Sambærileg rúðubrot í Lækjargötu og á Skólavörðustíg Skipar framkvæmdanefnd um málefni Grindavíkur Spellvirkinn lætur til skarar skríða á ný Bein útsending: Halla Hrund, Katrín og Baldur mætast í Pallborðinu Svandís boðar til blaðamannafundar Heyrist meira af kjaftæði um lyf en vísindalegum staðreyndum Sautján greinst með kíghósta og inflúensan enn að dreifa sér Vilja svör um möguleg „óþægileg hagsmunatengsl“ borgar og RÚV „Fann það þegar ég vaknaði í morgun að þetta var lúmskt áfall“ Horfði á þegar vinur hans réðst á manninn sem braut á dóttur hans „Helvíti fínt“ að komast aftur á Papa's Pizza Ætlar ekki að þröngva sér upp á fólk Katrín efst en Jón hrynur í nýrri könnun Papa's Pizza, verkföll flugvallarstarfsmanna og óvæntur forsetaframbjóðandi Kolbeinn Sigþórsson ákærður fyrir brot gegn barnungri stúlku Framboð Viktors Traustasonar er gilt Hárgreiðslustóll ekki hættulegt tæki og konan fær engar bætur Sjá meira
Athöfnin fór fram við grenitré sem stóð eitt af sér skriðurnar. Kveikt var á jólaljósum á trénu og komu íbúar í bænum kertaljósum fyrir í hring við rætur þess. Þar var einnig kveikt á ljósi í glerkrukkum sem búið er að mála húsin á sem fórust í skriðunum. Listaverkið gerði Janet Nicole Reynisdóttir. Davíð Kristinsson, varaformaður björgunarsveitarinnar Ísólfs á Seyðisfirði, var í framlínunni eftir hörmungarnar í fyrra. Hann segir að samheldni hafi einkennt andrúmsloftið í bænum í dag en þar hafi auðvitað ríkt nokkur sorg líka. „Það sem hefur einkennt þetta allt hjá okkur er samheldnin og orkan.“ Davíð Kristinsson björgunarsveitarmaður á Seyðisfirði.Vísir/Egill „Þetta var erfiður dagur,“ segir Davíð einfaldlega. „Maður finnur það að þetta situr í manni og snertir mann sérstaklega í dag en það er líka gott til að vinna úr þessu og geta haldið áfram. Það er áherslan hjá öllum núna að horfa fram á við. Nú er að spyrna við og halda áfram.“ Janet Reynisdóttir listakona gerði listaverkið.Ómar Bogason Ómar Bogason, ljósmyndari á Seyðisfirði, myndaði athöfnina í dag. Hann sendi okkur myndirnar sem fylgja fréttinni, meðal annars þessa hér að neðan sem er af barnabörnum hans, Margréti og Sigrúnu, sem misstu heimili sitt í hörmungunum. Ómar Bogason Hjartað fylltist af þakklæti Ómar minntist atburðanna á Facebook í dag þar sem hann minntist þess hvernig það var að horfa á skriðuna falla niður fjallshlíðina. „Að heyra þungan dynk og malarhljóð hækka og hækka og horfa síðan á skriðuna beljast niður hlíðina og Búðarárfossinn, aurinn, bleytuna og grjótið þeytast niður fossinn og halda síðan áfram eins og risastór óstöðvandi slanga sem eirði engu,“ skrifar Ómar. Erfiður dagur fyrir suma en samheldni og hlýja eru efst í huga Seyðfirðinga þegar ár er liðið frá náttúruhamförunum og jólin nálgast.Ómar Bogason „Erfitt er að lýsa hávaðanum sem skriðunum fylgdi en honum mun ég eflaust aldrei gleyma. Fyrst kom æpandi hávaðinn frá skriðusvæðinu en síðan kom ærandi bergmálið í bakið og þá hugsaði ég með mér að fjallið allt væri að koma niður.“ Nú ári síðar er þakklæti honum efst í huga, sérstaklega yfir því að ekkert manntjón hafi orðið. „Þakklæti yfir því að öll fáum við að njóta saman hátíðar ljóss og friðar í heimabænum okkar . Þakklæti yfir því að hafa fengið að njóta þeirrar góðu tilfinningar sem fylgir því að eiga vin í raun í gegnum alla þá sem stutt hafa okkur Seyðfirðinga, það verður aldrei full þakkað!“ Fyrstu skriðurnar skemmdu lítið Rigningarnar sem gengu yfir Austurland fyrir ári síðan voru einstakar og ótrúlegt að hugsa aftur til þeirra að sögn Davíðs. Fyrstu skriðurnar vegna rigninganna féllu þann 15. desember en þær voru í minni kantinum, miðað við það sem átti eftir að koma. Þá urðu óverulegar skemmdir á húsunum sem urðu fyrir þeim en almannavarnir fóru í að rýma hluta af bænum. Þremur dögum síðar hafði verið lítið lát á rigningunum og aðfaranótt föstudagsins 18. desember féllu tvær aurskriður úr fjallinu og tók önnur þeirra með sér hús. Síðar sama dag féll síðan stærsta skriðan klukkan þrjú þegar fréttamaður okkar Sunna Karen Sigurþórsdóttir var í beinni útsendingu í þrjúfréttum Bylgjunnar. Greinilega mátti heyra í drununum frá skriðunni í útsendingunni, sem má hlusta á í spilaranum hér að neðan. Fór þá af stað vakt á Vísi þar sem fylgst var með öllu því sem gerðist á Seyðisfirði þennan dag. Kraftaverk að enginn hafi látist Aurskriðan féll á svæði sem hafði ekki verið rýmt að fullu og því var fólk inni í sumum húsanna sem hún reif með sér. Það má eiginlega teljast kraftaverk að enginn hafi látið lífið í henni. Hér má sjá myndband af skriðunni: Nú ári síðar er uppbygging efst í huga Seyðfirðinga, sem margir eru enn að vinna úr atburðunum. Minningarathöfnin í dag hefur eflaust hjálpað mörgum við það. Hér fyrir neðan eru fleiri myndir frá Ómari Bogasyni af athöfninni: Ómar Bogason Ómar Bogason Ómar Bogason Ómar Bogason Ómar Bogason
Aurskriður á Seyðisfirði Múlaþing Veður Náttúruhamfarir Almannavarnir Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Bein útsending: Halla Hrund, Katrín og Baldur mætast í Pallborðinu Innlent Ákærð fyrir að kæfa son sinn með kodda Innlent Svandís boðar til blaðamannafundar Innlent „Mun ekki halla mér aftur og leyfa deyjandi sjónvarpsstöð að ráðast á mig“ Erlent Spellvirkinn lætur til skarar skríða á ný Innlent Heyrist meira af kjaftæði um lyf en vísindalegum staðreyndum Innlent Katrín efst en Jón hrynur í nýrri könnun Innlent Halla Hrund mælist með mest fylgi í nýrri könnun Maskínu Innlent „Fann það þegar ég vaknaði í morgun að þetta var lúmskt áfall“ Innlent Baldur segir niðurstöður nýjustu kannana vonbrigði Innlent Fleiri fréttir Kolbeinn hafi strokið kynfæri stúlkunnar ítrekað Segja lýðræðis- og mannréttindabakslag staðreynd Ný sendiskrifstofa opnuð í Síerra Leóne Baldur segir niðurstöður nýjustu kannana vonbrigði Halla Hrund mælist með mest fylgi í nýrri könnun Maskínu Tilvísunum vegna skekkju á höfuðkúpu ungbarna fjölgað mikið Fréttaskýring Maríu Sigrúnar kemur út á mánudag Einar segir forsetaembættið um ekki neitt Svona gæti bensínstöðvarreiturinn við Ægisíðu litið út Ákærð fyrir að kæfa son sinn með kodda Börn lögð inn með kíghósta „Við reyndum eins og við gátum“ Framkvæmdanefnd fyrir Grindavík sett á laggirnar Sambærileg rúðubrot í Lækjargötu og á Skólavörðustíg Skipar framkvæmdanefnd um málefni Grindavíkur Spellvirkinn lætur til skarar skríða á ný Bein útsending: Halla Hrund, Katrín og Baldur mætast í Pallborðinu Svandís boðar til blaðamannafundar Heyrist meira af kjaftæði um lyf en vísindalegum staðreyndum Sautján greinst með kíghósta og inflúensan enn að dreifa sér Vilja svör um möguleg „óþægileg hagsmunatengsl“ borgar og RÚV „Fann það þegar ég vaknaði í morgun að þetta var lúmskt áfall“ Horfði á þegar vinur hans réðst á manninn sem braut á dóttur hans „Helvíti fínt“ að komast aftur á Papa's Pizza Ætlar ekki að þröngva sér upp á fólk Katrín efst en Jón hrynur í nýrri könnun Papa's Pizza, verkföll flugvallarstarfsmanna og óvæntur forsetaframbjóðandi Kolbeinn Sigþórsson ákærður fyrir brot gegn barnungri stúlku Framboð Viktors Traustasonar er gilt Hárgreiðslustóll ekki hættulegt tæki og konan fær engar bætur Sjá meira