Viðskipti innlent

Jón segir skilið við Össur eftir aldarfjórðung og Sveinn tekur við

Hallgerður Kolbrún E. Jónsdóttir skrifar
Jón Sigurðsson, forstjóri Össurar til 26 ára.
Jón Sigurðsson, forstjóri Össurar til 26 ára. Össur

Jón Sigurðsson, forstjóri Össurar, er sestur í helgan stein eftir 26 ár í starfi. Sveinn Sölvason hefur verið skipaður arftaki hans. 

Jón hefur undanfarin 26 ár verið forstjóri Össurar, eða frá árinu 1996. Hann mun láta af starfinu í á næsta ári og mun Sveinn taka við starfinu 1. apríl 2022. 

„Jón hefur stýrt Össuri frá árinu 1996 og undir hans stjórn hefur Össur vaxið úr því að vera smátt fyrirtæki með fimm milljónir Bandaríkjadala í innnkonu á ári og fjörutíu starfsmenn yfir í að vera leiðandi afl í þróun lækningatækja með árlega innkomu upp á 700 milljónir dollara og fjögur þúsund starfsmenn á heimsvísu,“ segir í tilkynningu frá Össuri. 

Sveinn Sölvason, arftaki Jóns sem forstjóri Össurar.Össur

Sveinn Sölvason hefur starfað fyrir Össur frá árinu 2009 og verið fjármálastjóri fyrirtækisins frá árinu 2013.

„Ég er feginn því að Sveinn hafi ákveðið að taka áskoruninni. Störf hans hjá Össuri hafa reynst vel og stefnt fyrirtækinu til frekari frama,“ er haft eftir Niels Jacobsen, formanni stjórnar Össurar. 





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.