Sport

Dagskráin í dag - Botnslagur af bestu gerð í Olís deildinni

Arnar Geir Halldórsson skrifar
Ná HK-ingar loks í stig í kvöld?
Ná HK-ingar loks í stig í kvöld? Vísir/Vilhelm

Eitthvað þarf undan að láta þegar stigalausu liðin í Olís deildinni í handbolta mætast í kvöld.

Nýliðar HK og Víkings hafa ekki riðið feitum hesti síðan þau komu upp í Olís deildina á tímabilinu. Eru liðin stigalaus í tveimur neðstu sætum deildarinnar og ekkert útlit fyrir að þau muni leika meðal þeirra bestu á næstu leiktíð.

Fróðlegt verður að fylgjast með því hvort annað liðið nái að innbyrða tvö stig í kvöld en leikurinn verður sýndur beint á Stöð 2 Sport.

Strax í kjölfarið verður Seinni bylgjan á sínum stað.

Á Stöð 2 Sport 2 verður bein útsending frá leik Derby County og QPR í ensku B-deildinni og þá verða tölvuleikjasérfræðingarnir í GameTíví á sínum stað með sinn vikulega þátt.




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.