Reglulega hefur jörð nötrað við Grindavík. Vísir/Egill
Dregið hefur úr skjálftahrinu við Grindavík sem staðið hefur síðan í gær.
„Þetta er í rauninni bara lítil hrina sem er þarna norðaustur sem sagt af Grindavík og stærsti skjálftinn mældist þrír að stærð klukkan 20:11 í gærkvöldi og það hafa um tuttugu skjálftar mælst síðan þá en það hefur verið aðeins að róast í þessu,“ segir Lovísa Mjöll Guðmundsdóttir náttúruvársérfræðingur hjá Veðurstofu Íslands.
Eins og sést á þessu korti af vef Veðurstofu Íslands hefur skjáfltahrinan verið við Grindavík.Veðurstofa Íslands
Lovísa segir skjálftana ekki tengjast frekari jarðhræringum á svæðinu en lítil virkni hefur verið í eldstöðvunum við Fagradalsfjall um nokkurt skeið.
„Náttúrulega allt svæðið er á hreyfingu það eru flekaskil þarna og síðan er þetta landris þannig að þetta tengist allt saman en það er eðlilegt að fá svona skjálfta öðru hverju.“
Ríkislögreglustjóri í samráði við lögreglustjórann á Suðurnesjum hefur ákveðið að lækka almannavarnastig vegna eldossins í Geldingadölum af hættustigi og niður í óvissustig.
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
