Innlent

Kvöld­fréttir Stöðvar 2

Hallgerður Kolbrún E. Jónsdóttir skrifar
Edda Guðrún Andrésdóttir fréttaþulur fréttamaður
Edda Guðrún Andrésdóttir fréttaþulur fréttamaður vísir

Heilbrigðisráðherra hugnast ekki aðgerðir sem gætu mismunað bólusettum og óbólusettum. Tuttugu þúsund Íslendingar fengu þriðja skammt í fyrstu viku bólusetningarátaks, færri en vonast var til.

Fjallað verður nánar um málið í kvöldfréttum Stöðvar 2.

Seðlabankastjóri segir óheppilegt að laun hækki á þessu ári með svo kölluðum hagvaxtarauka sem samið var um í lífskjarasamningunum. Miklar launahækkanir, hækkun á verði íbúðarhúsnæðis og hrávöru í útlöndum kyndi undir verðbólgunni.

Alþingi verður sett á þriðjudag og atkvæði greidd um niðurstöður undirbúningskjörbréfanefndar á fimmtudag. Í kvöldfréttum verður farið yfir stöðuna með forseta Alþingis en miðað við dagskrána gæti ný ríkisstjórn litið dagsins ljós fyrir aðra helgi.

Í kvöldfréttum verður einnig rætt við yfirlögregluþjón hjá lögreglunni á höfuðborgarsvæðinu um gríðarlegan málafjölda hjá embættinu auk þess sem við skoðum sérstaka hesta – sem hafa verið í einangrun í stóði á bæ í Skaftárhreppi.

Þetta og margt fleira á samtengdum rásum Bylgjunnar og Stöðvar 2 klukkan 18:30.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×