Pfizer áætlar að selja bóluefni fyrir um 4.700 milljarða króna í ár

Fanndís Birna Logadóttir og Þorgils Jónsson skrifa 2. nóvember 2021 18:53

Bóluefni Pfizer er að færa fyrirtækinu gríðarlegar tekjur. Getty/Artur Widak

Lyfjarisinn Pfizer tilkynnti í dag að sölutekjur Covid-19 bóluefnisins, sem fyrirtækið þróaði með BioNTech, nemi 36 milljörðum Bandaríkjadala í ár. Þetta kemur fram í ársfjórðungsuppgjöri sem birt var í dag.

Sú upphæð samsvarar um 4.700 milljörðum íslenskra króna. Þá er áætlað að sölutekjur á næsta ári nemi að minnsta kosti 29 milljörðum dala, eða ríflega 3.800 milljörðum króna.

Heildartekjur Pfizer eru áætlaðar um 82 milljarðar dala í ár, þannig að tekjurnar af sölu bóluefnisins nema allt að 44 prósentum af árlegum tekjum .

Hlutabréf í fyrirtækinu hækkuðu um 5% eftir þessar fréttir, segir í frétt CNN.

Sérfræðingar segja lyfjarisana sem framleiða bóluefni koma til með að græða milljarða dala á næstu árum.

Bandaríkin Faraldur kórónuveiru (COVID-19) Lyf

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.