Kvöldfréttir Stöðvar 2

Sunna Sæmundsdóttir skrifar 27. október 2021 18:00

Edda Guðrún Andrésdóttir flytur fréttir í kvöld. Vísir

Um sex hundruð starfsmenn Landspítalans eru enn óbólusettir og til skoðunar gæti komið að meina þeim sem ekki hafa fyrir því gilda ástæðu að mæta til vinnu. Forstjóri Íslenskrar erfðagreiningar segir enga réttlætingu fyrir því að tíu prósent starfsmenna spítalans séu óbólusettir. Málið sé grafalvarlegt.

Fjallað verður nánar um málið í kvöldfréttum og meðal annars rætt við sóttvarnalæknir sem hefur miklar áhyggjur af þróun faraldursins.

Borgarstjóri segir að reikna megi með að minnsta kosti hundruð manna búi í atvinnuhúsnæði þar sem aðbúnaði og öryggi fólks sé ábótavant. Gera eigi gangskör að því að meta umfangið og grípa til aðgerða í framhaldinu án þess þó að ógna húsnæðisöryggi fólks. Fjallað verður nánar um málið í kvöldfréttum.

Einnig tökum við stöðuna á kirkjuþingi – þar sem prestar ræða um að fella niður aukagreiðslur fyrir ýmsa þjónustu á borð við útfarir og skírnir. Einnig skoðum við sprengingu í áhuga á varningi tengdum hrekkjavökunni og kíkjum á krúttlega dalmatíuhvolpa.

Þetta og margt fleira á samtengdum rásum Bylgjunnar Stöðvar 2 og Vísis.

Kvöldfréttirnar eru nú í lokaðri dagskrá en áskrifendur geta horft á þær á stod2.is. Einnig er hægt að hlusta á fréttirnar á Bylgjunni hér í spilaranum fyrir ofan.

Kvöldfréttir Stöðvar 2

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.