Drottningin varði nótt á sjúkrahúsi

Atli Ísleifsson skrifar 22. október 2021 07:52

Elísabet drottning dvaldi á Sjúkrahúsi Játvarðs sjöunda konungs í Marylebone í London. Getty

Elísabet II Bretadrottning varði aðfaranótt gærdagsins á sjúkrahúsi í London en hún er komin aftur til Windsor-kastala.

Frá þessu sagði í tilkynningu frá bresku konungshöllinni síðdegis í gær, en drottningin var flutt á sjúkrahús til skoðunar.

Síðastliðinn miðvikudag var ákveðið að drottningin skyldi fresta fyrirhugaðri heimsókn sinni til Norður-Írlands og henni ráðlagt að hvíla sig eftir þétta dagskrá síðustu daga.

Hin 95 ára Elísabet sneri aftur frá spítalanum um hádegisbil í gær og kom fram í tilkynningunni að hún væri hress.

Elísabet dvaldi á Sjúkrahúsi Játvarðs sjöunda konungs í Marylebone í London.

Í frétt BBC er tekið fram að ekki sé talið að veikindi hennar hafi nokkuð að gera með kórónuveiruna. Það hafi þótt hentugra að drottningin myndi verja nóttinni á sjúkrahúsinu eftir skoðun lækna og var hún snúin aftur til vinnu um miðjan dag í gær.

Þetta er í fyrsta sinn frá árinu 2013 sem drottningin ver nótt á sjúkrahúsi, en síðast var það vegna einkenna iðrabólgu.

Bretland Kóngafólk

Tengdar fréttir

Elísabet fer að ráðum lækna og hættir við heimsókn til Norður-Írlands

Elísabet Englandsdrottning hefur ákveðið að fara að ráðum lækna og hætta við fyrirhugaða heimsókn til Norður-Írlands. Mun hún nota næstu daga til að hvílast, samkvæmt yfirlýsingu frá Buckingham-höll.

20. október 2021 12:51

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.