Anna Sigrún lætur í veðri vaka að Páll Vilhjálmsson sé siðblindur Jakob Bjarnar skrifar 20. október 2021 09:15 Enginn ætti að þurfa að velkjast í vafa um, og ræður þar samhengið, að Anna Sigrún telur Pál Vilhjálmsson eiga við siðblindu að stríða. Vísir/Egill/Fjölbrautaskólinn í Garðabæ Anna Sigrún Baldursdóttir, framkvæmdastjóri skrifstofu forstjóra Landspítala, ritar grein þar sem hún lætur að því liggja að Páll Vilhjálmsson bloggari og framhaldsskólakennari sé siðblindur. Óvænt hafa bloggskrif Páls tröllriðið umræðunni en eins og Vísir hefur greint frá gerði hann sér mat úr því þegar Helgi Seljan blaðamaður á Ríkisútvarpinu greindi frá því í spjallþætti Gísla Marteins Baldurssonar síðasta föstudagskvöld að hann hafi lagst inn á geðdeild vegna geðrænna vandamála. Páll vill hafa það til marks um að fréttaflutningur Helga af málefnum Samherja megi þar með teljast ómarktækur með öllu. „Burtséð frá bataferlinu er í meira lagi undarlegt að geðveikur maður fari með víðtækt dagskrárvald á ríkisreknum fjölmiðli, RÚV. Geðveikur Helgi skipuleggur í áravís skandal hægri vinstri, skáldar ef ekki vill betur til. Sá geðveiki fær fullt umboð yfirstjórnar RÚV til að flytja áróður klæddan í búning frétta,“ segir meðal annars í hinni umdeildu bloggfærslu Páls. Fjölmörg mikilmenni glímt við þunglyndi Fjölmörgum er ofboðið vegna skrifanna og hafa lýst því yfir. Anna Sigrún bætist nú í þann hóp en hún skrifar pistil sem birtist í Fréttablaðinu í dag undir fyrirsögninni „Geðveikt“. Hún nefnir hvorki Pál né Helga en enginn ætti að þurfa að velkjast í vafa um hvert tilefni skrifa hennar er. Hún segir að marga þungavigtarmenn mannkynssögunnar hafa glímt við geðraskanir af ýmsu tagi. Hún nefnir Abraham Lincoln, Winston Churchill og Martin Luther King Jr. sem dæmi; „allir voru þunglyndar frelsishetjur, horfðust í augu við sjúkdóminn en voru drifnir áfram af krafti sannfæringar um mannlega reisn. Þeir deildu einnig algengu persónueinkenni þunglyndra; djúpri samkennd (e. empathy) með öðru fólki.“ Anna Sigrún segir að enn sé nokkuð í land en stórstígar breytingar megi greina til batnaðar í meðferð geðraskana og fordómar hafi minnkað. „Þannig telja fæstir skömm eða sérstakar starfshindranir eigi að fylgja geðsjúkdómi frekar en öðrum sjúkdómum“. Meðal þeirra sem hafa átt við geðraskanir að stríða, er Winston Churchill forsætisráðherra Bretlands og rithöfundur. En hann kallaði þunglyndi sitt svartan hund. Einn af hverjum fimm Íslendingum er talinn þurfa að glíma við þunglyndi einhvern tíma á lífsleiðinni. Þá vendir Anna Sigrún kvæði sínu í kross og beinir talinu að öðru fyrirbæri: siðblindu sem hún segir ólæknanlega. Enginn ætti að þurfa að velkjast í vafa um, af samhenginu, hvern Anna Sigrún hefur í huga í því sambandi. En pistillinn er nú í mikilli dreifingu á samfélagsmiðlum. Hún segir um alvarlega persónuröskun að ræða sem hafi fylgt mannkyni lengi og er tíðnin talin vera 0,5 til 1 prósent. „Greind siðblindra og félagslegir hæfileikar villa gjarnan um fyrir samferðafólki og því komast þeir oft til áhrifa í samfélaginu og hasla sér völl.“ Anna Sigrún segir að siðblindir játi sig eðli máls samkvæmt aldrei sem slíka. Skólameistari kallar Pál á teppið Eins og Vísir hefur greint frá því að skrif Páls séu til skoðunar hjá yfirstjórn Fjölbrautaskólans í Garðabæ hvar Páll starfar en á annan tug erinda hafa borist skólanum þar sem gerðar eru athugasemdir við hina umdeildu bloggfærslu. Páll hefur verið kallaður á fund Kristins Þorsteinssonar skólameistara þar sem farið var yfir málin en í viðtali við Mannlíf segist hann þar hafa komið sjónarmiðum sínum að. Páll telur ekkert athugavert við skrif sín og undrast reyndar hin miklu viðbrögð og segist ekkert geta gert í því hvernig skrifunum er tekið. „Helgi er opinber persóna í mjög fyrirferðarmikilli opinberri umræðu. Það eina sem ég gerði er að setja þetta í annað samhengi heldur en hann og RÚV voru að setja þetta í. Þeir settu þetta í það samhengi að hann væri fórnarlamb,“ segir Páll og stendur fastur á sínu. Framhaldsskólar Fjölmiðlar Samherjaskjölin Samfélagsmiðlar Geðheilbrigði Mest lesið Vaktin: Tillagan samþykkt og annarri umræðu um veiðigjöld lokið Innlent Vændiskaupendur séu oftast fjölskyldufeður á leið til vinnu eða fundar Innlent „Hann er að eigna sér eitthvað sem hann á ekki“ Innlent Fordæmalaus ákvörðun sem gæti breytt Alþingi til framtíðar Innlent Lögregla rannsakar alvarlegt slys í Lágafellslaug Innlent Velti bílnum við Fjarðarhraun Innlent Hóta að loka svæðinu við Seljalandsfoss Innlent Lögregla rannsakar slys í sundlauginni í Stykkishólmi Innlent Krefjast bóta verði ekki fallið frá áformum um skólaþorp Innlent Kristrún fái ef til vill að bragða á eigin meðali fyrr en síðar Innlent Fleiri fréttir Sögulegur dagur á Alþingi og vændi í Airbnb-íbúðum Árekstur bíls og vespu á Hafnarfjarðarvegi Sögulegur dagur á Alþingi: Lýðræðisákvæði eða kjarnorkusprengja? Varðskipið Þór heldur heim frá Noregi í næstu viku Frumvarpið komið yfir erfiðasta hjallann en gæti átt nóg eftir Einn handtekinn í mansalsrannsókn lögreglunnar Vændiskaupendur séu oftast fjölskyldufeður á leið til vinnu eða fundar Lögregla rannsakar slys í sundlauginni í Stykkishólmi Kristrún fái ef til vill að bragða á eigin meðali fyrr en síðar Hóta að loka svæðinu við Seljalandsfoss „Hann er að eigna sér eitthvað sem hann á ekki“ „Hræðilegar fréttir fyrir lýðræðið á Íslandi“ Fordæmalaus ákvörðun sem gæti breytt Alþingi til framtíðar Dramatík á Alþingi og bílastæðablús hjá World Class Velti bílnum við Fjarðarhraun Flytja hluta starfsemi SAk vegna myglu Sjá ekki fyrir endann á umfangsmikilli rannsókn á fíkniefnaframleiðslu „Þetta er alvarlegur áfellisdómur yfir forsætisráðherra“ Vaktin: Tillagan samþykkt og annarri umræðu um veiðigjöld lokið Fundu 36 hugsanlega þolendur mansals á Íslandi í alþjóðlegri lögregluaðgerð „Eftir þetta hvassviðri í þinginu í gær heldur lífið áfram“ Tekjur af laxveiði í Borgarfirði eru vel yfir 50% af tekjum landbúnaðar á svæðinu Krefjast bóta verði ekki fallið frá áformum um skólaþorp Halda áfram að ræða veiðigjöldin Tekur önnur Íslendinga þátt í erfiðustu og lengstu kappreið í heimi Draga Dettifoss til Reykjavíkur Sleginn í andlitið með hnúajárni Lögregla rannsakar alvarlegt slys í Lágafellslaug Þingfundi frestað: Stjórnarandstaðan lagði fram „aðeins mýkri“ tillögu „Það er þarna sem rússneskir kafbátar fara í gegn“ Sjá meira
Óvænt hafa bloggskrif Páls tröllriðið umræðunni en eins og Vísir hefur greint frá gerði hann sér mat úr því þegar Helgi Seljan blaðamaður á Ríkisútvarpinu greindi frá því í spjallþætti Gísla Marteins Baldurssonar síðasta föstudagskvöld að hann hafi lagst inn á geðdeild vegna geðrænna vandamála. Páll vill hafa það til marks um að fréttaflutningur Helga af málefnum Samherja megi þar með teljast ómarktækur með öllu. „Burtséð frá bataferlinu er í meira lagi undarlegt að geðveikur maður fari með víðtækt dagskrárvald á ríkisreknum fjölmiðli, RÚV. Geðveikur Helgi skipuleggur í áravís skandal hægri vinstri, skáldar ef ekki vill betur til. Sá geðveiki fær fullt umboð yfirstjórnar RÚV til að flytja áróður klæddan í búning frétta,“ segir meðal annars í hinni umdeildu bloggfærslu Páls. Fjölmörg mikilmenni glímt við þunglyndi Fjölmörgum er ofboðið vegna skrifanna og hafa lýst því yfir. Anna Sigrún bætist nú í þann hóp en hún skrifar pistil sem birtist í Fréttablaðinu í dag undir fyrirsögninni „Geðveikt“. Hún nefnir hvorki Pál né Helga en enginn ætti að þurfa að velkjast í vafa um hvert tilefni skrifa hennar er. Hún segir að marga þungavigtarmenn mannkynssögunnar hafa glímt við geðraskanir af ýmsu tagi. Hún nefnir Abraham Lincoln, Winston Churchill og Martin Luther King Jr. sem dæmi; „allir voru þunglyndar frelsishetjur, horfðust í augu við sjúkdóminn en voru drifnir áfram af krafti sannfæringar um mannlega reisn. Þeir deildu einnig algengu persónueinkenni þunglyndra; djúpri samkennd (e. empathy) með öðru fólki.“ Anna Sigrún segir að enn sé nokkuð í land en stórstígar breytingar megi greina til batnaðar í meðferð geðraskana og fordómar hafi minnkað. „Þannig telja fæstir skömm eða sérstakar starfshindranir eigi að fylgja geðsjúkdómi frekar en öðrum sjúkdómum“. Meðal þeirra sem hafa átt við geðraskanir að stríða, er Winston Churchill forsætisráðherra Bretlands og rithöfundur. En hann kallaði þunglyndi sitt svartan hund. Einn af hverjum fimm Íslendingum er talinn þurfa að glíma við þunglyndi einhvern tíma á lífsleiðinni. Þá vendir Anna Sigrún kvæði sínu í kross og beinir talinu að öðru fyrirbæri: siðblindu sem hún segir ólæknanlega. Enginn ætti að þurfa að velkjast í vafa um, af samhenginu, hvern Anna Sigrún hefur í huga í því sambandi. En pistillinn er nú í mikilli dreifingu á samfélagsmiðlum. Hún segir um alvarlega persónuröskun að ræða sem hafi fylgt mannkyni lengi og er tíðnin talin vera 0,5 til 1 prósent. „Greind siðblindra og félagslegir hæfileikar villa gjarnan um fyrir samferðafólki og því komast þeir oft til áhrifa í samfélaginu og hasla sér völl.“ Anna Sigrún segir að siðblindir játi sig eðli máls samkvæmt aldrei sem slíka. Skólameistari kallar Pál á teppið Eins og Vísir hefur greint frá því að skrif Páls séu til skoðunar hjá yfirstjórn Fjölbrautaskólans í Garðabæ hvar Páll starfar en á annan tug erinda hafa borist skólanum þar sem gerðar eru athugasemdir við hina umdeildu bloggfærslu. Páll hefur verið kallaður á fund Kristins Þorsteinssonar skólameistara þar sem farið var yfir málin en í viðtali við Mannlíf segist hann þar hafa komið sjónarmiðum sínum að. Páll telur ekkert athugavert við skrif sín og undrast reyndar hin miklu viðbrögð og segist ekkert geta gert í því hvernig skrifunum er tekið. „Helgi er opinber persóna í mjög fyrirferðarmikilli opinberri umræðu. Það eina sem ég gerði er að setja þetta í annað samhengi heldur en hann og RÚV voru að setja þetta í. Þeir settu þetta í það samhengi að hann væri fórnarlamb,“ segir Páll og stendur fastur á sínu.
Framhaldsskólar Fjölmiðlar Samherjaskjölin Samfélagsmiðlar Geðheilbrigði Mest lesið Vaktin: Tillagan samþykkt og annarri umræðu um veiðigjöld lokið Innlent Vændiskaupendur séu oftast fjölskyldufeður á leið til vinnu eða fundar Innlent „Hann er að eigna sér eitthvað sem hann á ekki“ Innlent Fordæmalaus ákvörðun sem gæti breytt Alþingi til framtíðar Innlent Lögregla rannsakar alvarlegt slys í Lágafellslaug Innlent Velti bílnum við Fjarðarhraun Innlent Hóta að loka svæðinu við Seljalandsfoss Innlent Lögregla rannsakar slys í sundlauginni í Stykkishólmi Innlent Krefjast bóta verði ekki fallið frá áformum um skólaþorp Innlent Kristrún fái ef til vill að bragða á eigin meðali fyrr en síðar Innlent Fleiri fréttir Sögulegur dagur á Alþingi og vændi í Airbnb-íbúðum Árekstur bíls og vespu á Hafnarfjarðarvegi Sögulegur dagur á Alþingi: Lýðræðisákvæði eða kjarnorkusprengja? Varðskipið Þór heldur heim frá Noregi í næstu viku Frumvarpið komið yfir erfiðasta hjallann en gæti átt nóg eftir Einn handtekinn í mansalsrannsókn lögreglunnar Vændiskaupendur séu oftast fjölskyldufeður á leið til vinnu eða fundar Lögregla rannsakar slys í sundlauginni í Stykkishólmi Kristrún fái ef til vill að bragða á eigin meðali fyrr en síðar Hóta að loka svæðinu við Seljalandsfoss „Hann er að eigna sér eitthvað sem hann á ekki“ „Hræðilegar fréttir fyrir lýðræðið á Íslandi“ Fordæmalaus ákvörðun sem gæti breytt Alþingi til framtíðar Dramatík á Alþingi og bílastæðablús hjá World Class Velti bílnum við Fjarðarhraun Flytja hluta starfsemi SAk vegna myglu Sjá ekki fyrir endann á umfangsmikilli rannsókn á fíkniefnaframleiðslu „Þetta er alvarlegur áfellisdómur yfir forsætisráðherra“ Vaktin: Tillagan samþykkt og annarri umræðu um veiðigjöld lokið Fundu 36 hugsanlega þolendur mansals á Íslandi í alþjóðlegri lögregluaðgerð „Eftir þetta hvassviðri í þinginu í gær heldur lífið áfram“ Tekjur af laxveiði í Borgarfirði eru vel yfir 50% af tekjum landbúnaðar á svæðinu Krefjast bóta verði ekki fallið frá áformum um skólaþorp Halda áfram að ræða veiðigjöldin Tekur önnur Íslendinga þátt í erfiðustu og lengstu kappreið í heimi Draga Dettifoss til Reykjavíkur Sleginn í andlitið með hnúajárni Lögregla rannsakar alvarlegt slys í Lágafellslaug Þingfundi frestað: Stjórnarandstaðan lagði fram „aðeins mýkri“ tillögu „Það er þarna sem rússneskir kafbátar fara í gegn“ Sjá meira