Ellefu nemendur drukknuðu í skólaferðalagi í Indónesíu

Viktor Örn Ásgeirsson skrifar 16. október 2021 15:16

Björgunaraðgerðir fóru fram í gærkvöldi. AP/Yopi Andrias

Ellefu nemendur á aldrinum tólf til fimmtán ára drukknuðu í Indónesíu í gær. Nemendurnir voru að hreinsa árbakka í skólaferðalagi þegar þeir féllu út í ána.

Um 150 nemendur voru í ferðinni en tilgangur skólaferðalagsins var að hreinsa árbakka Cileueur-árinnar í Ciamis þar í landi en mikil aurskriða féll á svæðinu fyrr í vikunni. Skriðurnar gleyptu þrjátíu hús og að minnsta kosti átta létust. Þetta kemur fram í frétt Deutsche Welle.

Talið er að nemendur hafi runnið á sleipum árbotninum með þeim afleiðingum að 21 nemandi féll út í ána. Nemendurnir héldust hönd í hönd þegar þeir hugðust þvera ána en fyrir liggur að nemendurnir hafi ekki verið í björgunarvestum. Björgunaraðilum tókst að bjarga tíu nemendum en ellefu létu lífið. Nokkrir kennarar slösuðust í aðgerðunum.

Indónesía

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.