Innlent

Á­kærður fyrir að svipta konu frelsi í þrjá tíma og nauðga

Atli Ísleifsson skrifar
Árásin var gerð í íbúð í Reykjavík í janúar 2019.
Árásin var gerð í íbúð í Reykjavík í janúar 2019. Vísir/Vilhelm

Héraðssaksóknari hefur ákært karlmann fyrir að hafa í íbúð sinni haldið konu fanginni í þrjá tíma og á þeim tíma nauðgað og beitt hana ofbeldi.

Maðurinn er ákærður fyrir nauðgun og frelsissviptingu með því að hafa að kvöldi föstudagsins 4. janúar 2019 boðið konu inn í íbúð sína í Reykjavík, varnað henni svo að komast út úr íbúðinni og svipt hana frelsi sínu í allt að þrjár klukkustundir. Í ákæru segir að maðurinn hafi á þeim tíma nauðgað konunni í stofunni og í svefnherbergi.

Honum er gefið að sök að hafa í tvígang borið konuna inn í svefnherbergið, kastað henni á rúmið og sest ofan á hana, bitið hana og ítrekað brotið gegn henni kynferðislega.

Gerð er einkaréttarkrafa fyrir hönd konunnar um miskabætur að upphæð fjórar milljónir króna auk vaxta.

Lögreglumál Reykjavík Kynferðisofbeldi
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið