Kemur frá Landsvirkjun og tekur við markaðsmálunum hjá Isavia

Atli Ísleifsson skrifar 1. október 2021 10:58

Jón Cleon hefur verið ráðinn nýr deildarstjóri markaðsmála og upplifunar hjá Isavia.

Jón mun leiða markaðs- og kynningarstarf Isavia og Keflavíkurflugvallar og bera ábyrgð á ásýnd þessara vörumerkja.

Í tilkynningu segir að meðal verkefna nýs deildarstjóra sé að bæta upplifun viðskiptavina, þróa markaðs- og kynningarstefnu Isavia, styðja við markaðsstarf rekstraraðila á Keflavíkurflugvelli og taka þátt í samstarfsverkefnum sem miði að því að fá flugfélög og ferðamenn til landsins.

„Jón Cleon var áður verkefnastjóri samskipta og upplýsingamiðlunar hjá Landsvirkjun. Hann er með BA próf í grafískri hönnun frá Listaháskóla Íslands og MBA próf frá Háskólanum í Reykjavík. Hann hefur þegar tekið til starfa,“ segir í tilkynningunni.

Fréttir af flugi Keflavíkurflugvöllur Vistaskipti Landsvirkjun

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.